8:38  vitium,  quod  in  se  cernunt,  damnarent  potius  quam  alio  causam  transferrent?  Sed  agedum,  quia  qualemcunque  duntaxat  blasphemiis  suis  praetextum  quaerunt:  ostendamus  uno  verbo,  nullo  eos  colore  impudenter  maledicere.  Quem  voluntate  peccare  constat,  isne  innocentem  se  iactabit?  Ubi  omnia  dixerint,  illuc  demum  veniendum,  nihil,  nisi  quod  sponte  committunt,  illis  a  Deo  imputari.  Et  quis  hominum  ipsos  in  voluntariis  malefactis  absolvet?  Porro  quod  homines  iure  damnant,  an  damnare  non  erit  Deo  liberum?  Atqui  tamen  cum  Deo  expostulant,  quod  non  meliorem  illis  mentem,  et  cor  etiam  rectius  dederit.  Quasi  vero  non  dedisset  initio.  Nam  pravitatem,  quae  in  nobis  regnat,  doctrina  nostra  non  fert  acceptam  Dei  creationi,  sed  naturae  corruptioni  assignat.  Excipiunt  rursus,  iniquum  esse,  alieni  delicti  poenam  sibi  infligi.  Ea  forte  exceptio  nonnihil  haberet  coloris,  si  a  proprio  peccato  ipsi  immunes  aliena  culpa  gravari  se  ostenderent.  Sed  quum  rectam  in  primo  parente  [pag.  46]  naturam  1)  ita  perdiderint,  ut  sponte  sint  vitiosi,  quid  sibi,  tanquam  insontibus,  fieri  conqueruntur  iniuriam?  Scilicet  faciunt,  quod  perditissimi  latrones  solent:  qui  dum  ad  supplicium  rapiuntur,  probris  undecunque  arreptis  iudicem  lacerant.  Et  sunt  eiusmodi  homines  saepenumero,  sicut  ad  perpetranda  maleficia  prompti,  ita  etiam  facundi  ad  conviciandum.  Quid  autem  ita  ferociter  insultando  proficiunt?  Neque  enim  aut  levatur  eorum  ignominia,  aut  iudici  macula  ulla  inuritur.  Idque  ipsi  norunt:  sed  desperatione  excaecati  miserum  ex  ridicula  ultione  solatium  capiunt.  Hactenus  eorum  blasphemiis  respondi,  qui  impietatem  ex  professo  suam  produnt.  Sed  restant  Sadoleti,  Pighii,  2)  similiumque  calumniae,  quibus  doctrinam  nostram  infamant,  quasi  varias  et  prope  infinitas  absurditates  secum  traheret.  Illinc  vero  si  quid  est  scandali,  ideo  est,  quod  scripta  nostra  non  leguntur.  Quid  ergo  facerem,  nisi  ut  omnes  eos  horter,  qui  praepostera  offensione  abrepti  ignotam  veritatem  refugiunt,  ne  duplieem  temeritatis  poenam  sibi  accersant?  Nam  et  se  fraudant  oblata  sibi  salute:  nec  illis  impune  cedet,  causa  inaudita,  secundum  mendacium  statim  pronunciasse.  Quod  vero  praedestinatio  mare  est  scandalorum,  unde  id  contingit,  nisi  ex  nostra  vel  curiositate,  vel  petulantia?  Hic  de  arcano  Dei  iudicio  agitur,  cuius  fulgore  humanas  mentes,  si  propius  accedant,  non  perstringi  modo  et  hebetari,  sed  penitus  absorberi  necesse  est.  Et  tamen  quantum  ferebat  captus  noster,  quantumque  nostra  intererat,  Dominus  scripturis  patefecit:  Nos  scilicet  esse  omnes  perditos,  nisi  quos  ad  vitam  eligendo  a  morte  redimit:  ad  eos  Christi  gratiam  solos  pervenire,  qui  gratuita  1)  leur  droiture  et  integrite  naturelle.  2)  Add.  des  advocats  de  la  Papaute.