7:38  accusatur,  quod  ad  gentes  ingressus  fuerit,  etiam  si  id  fit  immerito,  tamen  coram  ecclesia  se  purgando  subiectionem  profitetur  (Act.  ll,  4).  Iure  autem  a  Paulo  reprehensus,  non  exemptionem  causatur,  sed  obedienter  se  patitur  corrigi  (Gal.  2,  14).  Iussus  a  collegis  ire  in  Samariam  cum  Ioanne,  illorum  decreto  paret  (Act.  8,  14).  Teneamus  ergo  quod  ait  Paulus  (Ephes.  4,  15),  Christum  esse  caput,  ex  quo  totum  corpus  compactum  et  connexum  per  omnem  iuncturam  subministrationis,  secundum  operationem  in  mensura  cuiusque  membri,  augmentum  corporis  facit  in  Domino.  Nam  illic  universos  mortales,  usque  ad  unum,  in  corpore  collocat:  honorem  et  nomen  capitis  soli  relinquit  .Christo.  Praeterea  singulis  membris  certam  mensuram  tribuit,  et  finitam  limitatamque  functionem:  quo  summa  gubernandi  potestas  penes  Christum  unum  resideat.  Cyprianus  1)  quoque  quum  unitatem  ecclesiae  describit,  Unus,  inquit,  episcopatus,  cuius  a  singulis  in  solidum  pars  tenetur:  quomodo  multi  radii  sunt,  et  lumen  unum,  et  rami  arboris  multi,  robur  autem  unum  radice  sua  fundatum:  et  quomodo  de  fonte  uno  rivi  plures  fluunt,  et  licet  numerositas  diffusa  videatur  exundantis  copiae  largitate,  unitas  tamen  servatur  integra  in  origine:  sic  et  ecclesia  Domini  luce  perfusa,  per  totum  orbem  radios  suos  porrigit:  unum  tamen  est  lumen  quod  ubique  diffunditur.  Ramos  suos  per  universum  orbem  extendit,  perfluentes  largitur  rivos.  Unum  tamen  caput  est  et  origo  una.  Videmus  ut  Christi  unius  episcopatum  faciat  universalem,  cuius  partes  a  ministris  eius  teneri  docet.  Hanc  ob  causam  vetitum  fuit  in  Carthaginensi  concilio,2)  ne  quis  princeps  sacerdotum  vocaretur,  aut  primus  episcopus,  sed  tantum  primae  sedis  episcopus.  Et  Gregorius,3)  nomen  universalis  episcopi  tanquam  profanum,  imo  sacrilegum,  et  praenuncium  Antichristi,  exsecratur:  dicitque  a  diabolo  inventum.  Romanum  vero  episcopum  non  alia  appellatione  ornat  Cyprianus,  quam  fratris,  et  coepiscopi,  et  collegae.  Ad  Stephanum  romanum  episcopum  dum  scribit,  non  modo  eum  sibi  et  reliquis  facit  aequalem,  sed  durius  quoque  eum  compellat,  arrogantiae  et  inscitiae  illum  accusans.  Quin  etiam  Hieronymus4)  presbyter  romanus,  sedem  illam  in  ordinem  redigere  non  dubitat.  Si  alitoritas  quaeritur,  inquit,  orbis  maior  est  urbe.  Quid  mihi  profers  unius  urbis  consuetudinem?  Quid  paucitatem,  de  qua  ortum  est  supercilium,  in  leges  ecclesiae  vindicas?  Ubicunque  fuerit  episcopus,  sive  Eugubii,  sive  Constantinopoli,  sive  Rhegii,  eiusdem  1)  De  simplicitate  praelatorum.  2)  Cap.  47.  3)  Epist.  76.  ad  Mauritium  Augustum;  Epist.  78.  ad  Const.  August.;  sequenti  ad  Evodium;  Epist.  83.  ad  Anian.  4)  Epp.  ad  Cornel,  et  ad  Evagr.  3*