56:38  d'Ismael,  Nabaioth,  apres  Cedar,  Adbeel,  Mabsam,  14.  Masma,  Duma,  Massa,  15.  Hadar,  Thema,  Ietur  Naphis,  et  Cedma,  16.  Ceux-ci  sont  les  enfans  d'Ismael,  et  leurs  noms  selon  leurs  bourgades  et  chasteaux.  Assavoir  douze  princes  entre  leurs  gens.  17.  Les  ans  donc  de  la  vie  d'Ismael,  furent  cent  trente  sept  ans:  ainsi  defaillant  mourut,  et  fut  mis  ensemble  avec  son  peuple.  18.  Et  habiterent  depuis  Havila  iusqu'a  Sur,  qui  regarde  sers  Egypte  quand  tu  viens  en  Assur,  il  habita  *)  aupres  de  tous  ses  freres.  19.  S'ensuyvent  les  generations  d'Isaac,  fils  d'Abraham.  Abraham  engendra  Isaac.  20.  Et  Isaac  estoit  aage  de  quarante  ans  quand  il  preint  a  femme  Rebecca  fille  de  Bathuel  Syrien,  de  Mesopotamie,  seur  de  Laban  Syrien.  21  Et  Isaac  supplia  l'Eternel  pour  sa  femme,  pourtant  qu'elle  estoit  sterile,  et  l'Eternel  l'exauca:  et  Rebecca  sa  femme  conceut:  22.  Mais  les  enfans  s'entrepous8oyent  en  son  ventre:  et  elle  dit,  Si  ainsi  est,  pourquoy  suis-ie?  lors  s'en  alla  requerir  l'Eternel.  23.  Et  l'Eternel  luy  dit,  Deux  gens  sont  en  ton  ventre,  et  deux  peuples  departiront  de  tes  entrailles:  et  un  peuple  surmontera  l'autre  peuple:  et  le  plus  grand  servira  au  moindre.  24.  Et  quand  son  temps  d'enfanter  fut  accompli,  voici  il  y  avoit  deux  gemeaux  en  son  ventre.  25.  Dont  le  premier  qui  sortit  estoit  roux,  et  tout  comme  un  vestement  velu,  et  appelerent  son  nom  Esau.  26.  Et  apres  issit  son  frere,  tenant  de  sa  main  le  talon  d'Esau:  et  son  nom  fut  appele  Iacob.  Et  Isaac  estoit  aage  de  soixante  ans  quand  iceux  nasquirent.  27.  Depuis,  les  enfans  deveinrent  grans:  et  Esau  estoit  homme  entendu  a  la  chasse,  homme  dea  champs:  mais  Iacob  estoit  homme  simple,  se  tenant  es  tabernacles.  28.  Et  Isaac  aimoit  Esau:  car  la  venaison  estoit  sa  viande:  mais  Rebecca  aimoit  Iacob.  29.  Or  comme  Iacob  cuisoit  du  potage,  Esau  reveint  des  champs,  et  estoit  las.  30.  Et  Esau  dit  a  Iacob,  Donne  moy  a  manger,  ie  te  prie  de  ce  potage  roux:  car  ie  suis  las:  parquoy  on  appela  son  nom  Edom.  31.  Mais  Iacob  luy  dit,  Ven-moy  auiourd'huy  le  droit  de  ta  primogeniture.  32.  Et  Esau  respondit,  Voici  ie  m'en  vay  mourir,  a  quoy  me  servira  la  primogeniture?  33.  Et  Iacob  dit,  Iure  moy  a  ceste  heure.  Et  il  luy  iura:  ainsi  il  vendit  sa  primogeniture  a  Iacob.  34.  Et  Iacob  donna  a  Esau  du  pain  et  le  potage  de  lentilles,  et  il  mangea  et  beut:  et  se  leva,  et  s'en  alla,  ainsi  Esau  mesprisa  sa  primogeniture.  Chapitre  XXVI.  1.  Et  adveint  qu'il  y  eut  famine  au  pays,  outre  la  premiere  famine,  qui  fut  au  temps  d'Abraham.  O  Iceluy  s'arresta  aupres  54.  59.  Iceluy  (le  susdict  O)  deceda  avant  46.