54:38  plustost  elle  nous  donne  courage  de  servir  Dieu  et  de  l'honorer.  Ceste  crainte  donc  qui  est  bonne  et  saincte,  nous  doit  oster  l'autre:  c'est  a  dire  ceste  pusillanimite  qui  est  aux  hommes:  tellement  que  nous  concevions  une  hardiesse,  et  concluons,  Or  si  faut-il  qu'en  despit  du  monde  nous  passions  outre  en  nostre  vocation.  Qu'on  tempeste,  qu'on  s'enfiamme,  voire  et  qu'on  face  des  diables:  et  bien,  Dieu  a  commande  qu'on  presche  l'Evangile:  nous  scavons  quelle  est  nostre  regle:  ne  varions  point  quoy  qu'il  en  soit:  car  il  faut  que  Dieu  soit  prefere  et  obei  sur  tont.  Et  quand  nous  verrons  mesmes  que  Satan  esmouvera  ses  orages  et  tempestes,  qu'il  semble  que  tout  doyve  abysmer,  c'est  alors  qu'il  faut  que  les  vrais  ministres  monstrent  une  constance.  Or  on  en  verra  qui  auront  de  belles  bouffees  quand  ils  ne  serent  point  assailis.  il  semblera  que  ce  soit  tout  feu  de  leur  zele  quand  il  sera  question  de  se  faire  valoir,  voire  sans  coups  ruer:  mais  ils  retirent  leurs  ailes  quand  il  faut  bien  faire.  S'il  faloit  les  employer  en  quelque  bonne  oeuvre,  on  trouveroit  bien  que  ce  n'est  rien  de  toute  ceste  belle  monstre  qu'ils  ont  eue.  On  en  verra  qui  seront  aussi  vaillans  estans  loin  des  coups:  mais  quand  ce  vient  a  ioindre  (comme  on  dit),  on  voit  bien  qu'ils  n'ont  point  une  seule  goutte  de  cest  esprit  de  vertu  et  de  constance  dont  parle  sainct  Paul.  Or  cependant  maintenant  il  adiouste,  sobriete  et  dilection:  pour  signifier  qu'il  ne  nous  faut  point  avoir  un  zele  estourdi,  ni  enrage:  comme  il  y  en  a  qui  n'auront  nulle  affection  du  monde.  Il  est  vray  qu'on  verra  en  eux  un  zele  qui  n'est  que  par  trop  excessif.  Cependant  il  y  aura  quelque  ombre  de  vertu  :  il  semble,  Voila  des  gens  qui  sont  si  enflammez  que  merveille,  il  semble  qu'ils  doyvent  reformer  tout  le  monde,  ils  ne  peuvent  porter  nul  vice:  cependant  on  les  verra  chagrins,  qu'ils  ne  peuvent  rien  souffrir,  qu'ils  ont  en  desdain  tout  le  monde:  ils  n'ont  ni  solicitude  de  leurs  freres,  ni  compassion  pour  les  reduire  a  bien  avec  douceur.  On  verra  aussi  qu'ils  n'ont  nulle  attrempance,  mais  il  y  a  une  rigueur  extreme  et  par  trop  excessive.  Voila  donc  qu'il  nous  faut  bien  noter,  que  sainct  Paul  disant  qu'il  faut  que  les  ministres  de  la  parole  soyent  constans  et  fermes,  et  qu'ils  ostent  toute  crainte  qui  les  rendra  pusillanimes,  monstre  neantmoins  qu'ils  doyvent  avoir  amour  a  leurs  prochains,  et  avoir  aussi  une  attrempance  et  sobriete  pour  moderer  leur  zele,  tellement  qu'ils  ne  iettent  point  leurs  bouffees  sans  propos.  Comme  desia  nous  avons  dit  qu'il  y  en  a  qui  s'escarmouchent,  et  ne  scait-on  pourquoy:  ils  se  courroucent  contre  leur  ombre  souvent,  et  quand  ce  viendra  au  besoin,  les  voila  tout  esperdus,  qu'ils  seront  vaincus  souvent  sans  avoir  rue  un  seul  coup.  Or  ce  n'est  pas  ainsi  qu'il  nous  en  faut  faire:  mais  (comme  i'ay  dit)  apn  3*