53:38  purete.  Voila  qu'emporte  bonne  conscience.  Car  qu'on  la  cache  tant  qu'on  voudra,  il  faudra  faire  de  longs  circuits,  il  faudra  bien  courir  la  poste  pour  la  trouver,  il  ne  la  faut  point  chercher  ici,  c'est  une  semence  bien  rare.  Et  qu'ainsi  soit,  nous  voyons  comme  les  hommes  ont  bonne  conscience  aux  choses  plus  solennelles,  et  qui  emportent  plus  grande  consequence,  quand  on  en  est  venu  iusques  la,  qu'on  ne  fait  quasi  plus  de  scrupule  de  se  moquer  pleinement  de  Dieu  en  sermens  solennels.  Ie  ne  parle  point  de  ceux  qui  se  font  par  les  boutiques  et  par  les  marchez,  ou  le  nom  de  Dieu  sera  tellement  deschiquete  que  c'est  un  horreur:  et  comme  on  fera  des  sermens  frivoles,  aussi  tout  est  confit  en  pariure,  qu*on  ne  scaura  pas  vendre  pour  un  soul,  qu'on  ne  soit  ou  menteur  ou  pariure:  puis  il  faut  que  le  nom  de  Dieu  soit  expose  a  tout  opprobre,  qu'on  s'en  mocque  et  qu'on  s'en  ioue  avec  telle  impudence  que  c'est  pitie.  Ie  ne  parle  point,  di-ie,  de  ces  sermens-  la:  mais  en  la  iustice  mesme  tout  y  est  corrumpu:  ou  les  sermens  sont  ordonnez  afin  que  le  nom  de  Dieu  soit  prins  en  reverence  et  en  maieste  comme  il  doit.  Un  homme  viendra  la:  on  luy  fera  lever  la  main  au  ciel:  c'est  comme  s'il  estoit  la  devant  la  maieste  de  Dieu,  lequel  aussi  il  appelle  en  tesmoin  de  ce  qu'il  veut  dire.  Las,  il  ne  laissera  pas  pourtant  de  se  pariurer  tout  manifestement.  Et  sur  tout,  quand  il  est  question  de  dire  la  verite  pour  descouvrir  les  vilenies.  Voila  le  nom  de  Dieu  qui  aura  este  blaspheme:  voila  des  extorsions  meschantea  qui  auront  este  faites:  l'un  aura  este  outrage,  l'autre  aura  este  batu,  l'autre  aura  este  pille.  Bien,  appelle  on  des  tesmoins?  Il  n'est  point  question  qu'oa  puisse  arracher  un  seul  mot  de  verite  de  leur  bouche  :  et  neantmoins  ceux  qui  vienent  la,  scavent  bien  que  les  iuges  mesmes  sont  comme  tesmoins  du  faict,  comme  s'il  avoyent  este  presens  a  la  chose:  et  au  bout  de  deux  iours  on  les  appellera,  et  ils  n'auront  honte  de  iurer  qu'ils  ne  scavent  que  c'est:  et  ces  vileins  pariures  n'en  font  que  torcher  leur  bouche,  toutesfois  si  veulent-ils  qu'on  les  estime  bons  Chrestiens.  Et  qui  sont  ceux-la?  Ce  ne  sont  pas  ne  trois  ne  quatre.  Selon  qu'un  chacun  peut  eschaper  pour  se  pariurer,  c'est  assez:  tellement  que  c'est  un  proverbe  commun,  que  tous  ceux  qui  voudront  celer  la  verite,  ce  sont  les  vrais  tesmoins:  et  s'il  J  en  a  quelqu'un  qui  porte  reverence  au  nom  de  Dieu,  et  qui  vueille  declarer  la  chose  comme  elia  va,  et  dire  verite,  ce  sera  un  faux  tesmoin,  tellement  qu'on  appelle  auiourd'huy  les  bons  tesmoins,  les  pariures.  Et  pensons-nous  qu'une  telle  impiete,  et  si  enorme,  et  de  laquelle  Dieu  est  tant  provoque  a  ire,  demeure  impunie?  Nous  scavons  quelle  malediction  il  prononce  sur  ceux  qui  prendront  son  nom  en  vain  :  toutesfois  ceux  qui  se  mocquent  ainsi  de  Dieu,  voire  qui  le  blasphement  horriblement,  ce  sont  lea