52:38  iis  ipsis,  quos  pro  fratribus  habebat,  imo  quos  ferebat  in  suo  contubernio.  Illos  tamen  ita  calere  dicit  in  rebus  suis  curandis,  ut  sint  ad  opus  Domini  frigidiores.  Videtur  in  speciem  non  esse  hoc  grave  vitium,  sua  quaerere:  sed  quam  sit  in  servis  Christi  intolerabile,  inde  patet,  quod  prorsus  inutiles  reddit  quos  occupat.  Fieri  enim  nequit  ut  se  ecclesiae  impendat,  qui  sibi  addictus  est.  Ergone,  inquies,  nihili  homines  et  fucos  Paulus  secum  fovebat?  Respondeo,  non  ita  accipiendum,  quasi  suis  tantum  commodis  intenti,  nullam  prorsus  ecclesiae  curam  haberent:  sed  quod  impliciti  privatis  commodis,  ad  publicum  ecclesiae  bonum  promovendum  negligentiores  essent.  Necesse  enim  est  alterutrum  in  nobis  affectum  regnare:  ut  vel  nobis  posthabitis  feramur  ad  Christum  et  quae  sunt  Christi:  vel  in  nostram  utilitatem  nimium  propensi,  defunctorie  Christo  serviamus.  Hinc  apparet  quantum  sit  impedimentum  ecclesiae  ministris  sua  quaerere.  Nec  valent  istae  excusationes,  nemini  sum  iniurius,  habenda  est  etiam  mei  ratio,  non  sum  adeo  ferreus,  quin  mearum  etiam  commoditatum  respectu  solliciter.  Iure  enim  tuo  cedendum  est,  ut  officium  facias:  tui  ratio  Christi  gloriae  neque  praeferenda  est,  neque  aequanda.  Quocunque  te  vocat  Christus,  eundum  est  propere,  aliis  omnibus  relictis.  Ita  respicienda  tibi  est  vocatio  tua,  ut  ab  omnibus  avocamentis  sensus  tuos  omnes  avertas.  Licet  alibi  opulentius  vivere:  at  Deus  te  alligavit  ecclesiae,  quae  tenuiter  modo  te  alat.  Alibi  plus  honoris:  sed  eum  tibi  locum  attribuit  Deus,  in  quo  humiliter  vivas.  Alibi  salubrius  coelum  aut  amoenior  regio:  sed  hic  tibi  statio  ordinata  est.  Optares  tibi  cum  humaniore  populo  esse  negotium:  offendit  te  vel  ingratitudo,  vel  ferocitas,  vel  superbia:  denique  tibi  cum  ingenio  et  moribus  gentis  minime  convenit.  Atqui  luctandum  tibi  est  tecum,  et  vis  quodammodo  contrariis  votis  afferenda,  ufc  spartam  quam  nactus  es,  colas.  Non  enim  es  liber  aut  tui  iuris.  Denique  tui  obliviscaris,  si  velis  Dea  servire.  Quod  si  tam  severe  reprehendit  eos  Paulus,  quos  maior  sui  quam  ecclesiae  cura  tangebat:  quale  iudicium  exspectans  qui  suis  negotiis  prorsus  abrepti  ecclesiae  aedificationem  pro  nihilo  ducunt?  si  nunc  blandiuntur  sibi,  Deus  tamen  non  ignoscet.  Eatenus  concedendum  est  ecclesiae  ministris  sua  quaerere,  ut  non  impediantur  a  quaerendo  Christi  regno.  Sed  hoc  modo  iam  non  dicentur  sua  quaerere:  quoniam  a  praecipuo  scopo  aestimatur  vita  hominis.  Quod  omnes  dicit,  non  urgenda  est  particula  universalis,  ut  nullam  exceptionem  admittas.  Erant  enim  alii  quoque,  qualis  Epaphroditi  :  sed  pauci.  Verum  omnibus  tribuit  quod  passim  erat  vulgare.  Quum  autem  audimus  conquerentem  Paulum,  aureo  illo  saeculo,  quo  virtutes  omnes  efflorue*  runt,  tam  raros  fuisse  vere  cordatos:  ne  animos  despondeamus,  si  hodie  talis  sit  nostra  condition  3*