51:38  et  ie  ne  di  pas  que  le  vulgaire  y  soit  seulement  abuse:  mais  voila  la  doctrine  et  la  resolution  de  toutes  leurs  escholes,  quo  cela  ne  doit  point  estre  tenu  pour  peche.  Ils  disent  bien  que  devant  le  Baptesme  tout  est  peche:  mais  quand  nous  sommes  baptisez,  que  cela  n'est  que  vertu,  combien  que  nous  doutions  de  Dieu,  combien  que  nous  ayons  beaucoup  de  chagrins  a  l'encontre  de  luy,  que  nous  soyons  solicitez  a  beaucoup  .d'impatiences,  toutesfois  qu'il  n'y  a  que  redire  encores  que  nous  soyons  esmeus  a  mal-faire,  et  que  nous  soyons  agitez  maintenant  de  ceci,  maintenant  de  cela.  Brief  que  nous  soyons  enclins  a  toutes  choses  que  Dieu  condamne  et  reprouve  par  sa  Loy,  et  qui  ne  nous  sont  point  licites:  cela  n'est  rien.  Or  ils  sont  bien  dignes  d'estre  mis  en  une  telle  stupidite.  Car  tout  ainsi  qu'ils  ont  forge  des  idoles  et  marmousets  qu'ils  adorent,  aussi  faut-ii  qu'ils  s'abrutissent  a  l'entour  de  leurs  dieux,  qu'ils  s'esgayent  la,  et  qu'ils  se  iouent  comme  avec  un  petit  enfant,  quand  il  parle  de  iustice  et  d'integrite.  Il  ne  se  faut  donc  point  esbahir  que  telles  gens  soyent  ainsi  transportez:  et  d'autant  qu'ils  ont  falsifie  la  gloire  de  Dieu  et  l'ont  aneantie,  il  faut  qu'ils  soyent  abrutis  du  tout:  mais  de  nostre  coste,  notons  ce  que  i'ay  desia  allegue  de  l'autre  passage  de  sainct  Paul,  c'est  que  la  Loy  est  spirituele:  et  pourtant  que  si  nous  sommes  convaincus  d'estre  rebelles  a  Dieu  par  des  actes  qui  seront  apparens,  que  toutesfois  et  quantes  qu'il  y  aura  des  appetis  mauvais  qui  fretilleront  la  dedans,  encores  que  cela  ne  soit  point  cognu  des  hommes  pour  nous  rendre  coulpables,  Dieu  en  trouvera  un  nombre  infini,  voire  un  abysme.  Concluons  donc  qu'en  tout  et  partout  nous  sommes  abysmez  en  malediction,  iusques  a  ce  que  Dieu  nous  regarde  en  pitie  et  qu'il  nous  en  retire.  Voila  donc  en  somme  comme  il  nous  faut  appliquer  ceste  sentence  de  sainct  Paul  a  nostre  instruction:  c'est  d'autant  que  nous  ne  comprenons  pas  les  vices  qui  sont  cachez  en  nous,  que  Dieu  vient  faire  un  examen  de  nostre  vie:  et  pourtant  que  la  dessus  nous  apprenions  de  nous  humilier.  Et  puis  quand  nous  verrons  les  pechez  qui  sont  tout  cognus  et  notoires,  et  qui  n'ont  nulle  excuse,  mesmes  devant  les  petis  enfans,  que  nous  soyons  conduits  plus  loiu,  c'est  de  sonder  iusques  au  plus  profond,  et  cognoistre  que  tous  nos  appetis  et  toutes  nos  pensees  sont  autant  de  rebellions  a  l'encontre  de  Dieu.  Or  si  chacun  estoit  bien  attentif  a  s'examiner  en  telle  sorte,  il  est  certain  que  nous  aurions  tous  occasion  de  gemir  et  souspirer,  et  tout  orgueil  et  hautesse  seroyent  abatus,  nous  aurions  mesmes  vergongne  de  toute  nostre  vie:  mais  on  void  que  chacun  se  destourne  tant  qu'il  peut  de  la  cognoissance  de  ses  pechez:  nous  les  iettons  tous  derriere  .  3*