48:38  num  ibi  fixas  haerere  non  vult,  sed  altius  attolli:  sicuti  in  alium  finem  referuntur.  Tres  autem  voces  posuit,  ut  magis  extolleret  Christi  miracula,  et  hac  congerie  ad  eorum  considerationem  vehementius  populum  impelleret.  Porro,  Christum  non  facit  primarium  autorem,  sed  ministrum  duntaxat:  quia  gradatim,  ut  dictum  est,  procedere  instituit.  Quaeri  tamen  posset,  an  miracula  ad  iustam  approbationem  sufficiant:  quia  hoc  modo  suis  imposturis  fidem  facerent  magi.  Respondeo,  multum  a  Dei  virtute  differre  Satanae  praestigias.  Denuntiat  quidem  alibi  Christus  (Matt.  24,  24),  regnum  Antichristi  fore  in  prodigiis:  sed  mox  addit  mendacibus.  Si  quis  excipiat,  non  esse  promptum  discernere,  quia  dicit  tantum  coloris  habitura,  ut  etiam  electos,  si  fieri  posset,  in  errorem  abducant:  respondeo  iterum,  hallucinationem  non  nisi  ex  defectu  nostro  (quia  scilicet  obtusi  sumus  ac  hebetes)  provenire.  Deus  enim  virtutem  suam  satis  clare  ostendit.  Ergo  in  miraculis,  quae  edit  Deus,  satis  firma  est  vel  doctrinae  vel  ministerii  approbatio,  modo  ne  desint  nobis  oculi.  Quod  autem  invalida  est  apud  impios,  quia  falsis  Satanae  miraculis  possunt  subinde  decipi,  hoc  eorum  caecitati  imputandum  est:  sed  quisquis  est  mundo  corde,  puris  quoquex)  mentis  oculis  Deum  agnoscit,  quoties  se  demonstrat.  Nec  aliter  illudere  potest  Satan,  nisi  ubi  cordis  nostri  malitia  vitiatum  est  iudicium,  et  quasi  tenebrae  oculis  nostris  offusae  sunt,  vel  segnitie  contracta  lippitudo.  23.  Hunc  interemistis.  Mortis  Christi  hac  maxime  de  causa  meminit,  ut  plenior  constaret  resurrectioni  fides.  Res  nota  erat  apud  Iudaeos,  Christum  fuisse  cruci  affixum.  Ergo  quod  resurrexit,  ingens  est  atque  admirabile  specimen  divinae  virtutis.  Interea,  ut  pungat  eorum  conscientias  peccati  sensu,  dicit  ab  illis  fuisse  occisum.  Non  quod  suis  eum  manibus  crucifixerint,  sed  quod  una  totius  populi  voce  postulatus  fuerit  ad  necem.  Et  quanquam  multi  ex  auditoribus,  quos  alloquitur,  non  consenserant  scelestae  crudelitati  et  impiae,  iuste  tamen  eam  genti  imputat:  quia  silentio  vel  incuria  omnes  se  polluerant.  Nec  ignorantiae  praetextus  locum  habet,  quum  prius  fuisset  a  Deo  ostensus.  Hic  ergo  reatus  cui  eos  subiicit  praeparatio  est  ad  poenitentiam.  Definito  consilio.  Occurrit  offendiculo,  quoniam  absurdum  prima  specie  videtur,  quod  is  homo,  quem  Deus  tantopere  ornaverat,  postea  ad  omne  ludibrium  prostitutus,  mortem  adeo  probrosam  subeat.  Quoniam  ergo  crux  Christi  primo  adspectu  nos  turbare  solet,  ideo  Petrus  admonet  nihil  fortuito  passum  esse,  vel  quia  illi  ad  se  liberandum  facultas  defuerit,  sed  quia  sic  a  Deo  constitutum  fuerat.  Haec  enim  sola  cognitio��  quod  *)  Purus.  3*