47:38  tiarum  causa  eo  venerit  Christi  mater.  Itinere  diei  unius  a  Capernaum  fuisse  dissitam  ex  capite  quarto  constabit.  Vicinitas  quoque  urbis  Bethsaida  inde  colligi  potest,  quod  triduo  postquam  in  finibus  illis  Christus  fuerat,  celebratas  in  Cana  nuptias  fuisse  evangelista  commemorat.  Fieri  potest  ut  tertia  etiam  non  procul  Hierosolyma,  et  tamen  extra  Galilaeam  fuerit.  Sed  hoc  quia  mihi  ignotum,  relinquo.  Et  erat  mater  Iesu.  Probabile  est  aliquem  fuisse  ex  consanguineis  Christi,  qui  uxorem  duxerit.  Iesus  enim  matri  tanquam  comes  hic  additur.  Quod  discipuli  simul  vocantur,  inde  colligi  potest,  quam  simplex  et  frugalis  fuerit  illi  vivendi  ratio,  quia  in  commune  cum  illis  vivebat.  Sed  hoc  absurdum  videri  posset,  quod  homo  non  admodum  dives  nec  copiosus  (ut  patebit  ex  vini  defectu)  in  Christi  gratiam  quatuor  aut  quinque  alios  invitet.  Verum  inter  inopes  facilior  est  et  magis  ingenua  invitatio:  quia  dedecus  non  verentur,  quemadmodum  divites  si  minus  laute  et  splendide  hospites  suos  tractent.  Priscum  enim  morem  communicationis  mutuae  pauperes  magis  retinent.  Hoc  tamen  rursus  parum  civile  videtur,  quod  convivas  suos  patitur  sponsus  in  inedia  coena  vino  destitui.  Nam  parum  considerati  hominis  est,  vinum  quantum  convivis  sufficiat  non  habere.  Respondeo  nihil  hic  narrari  quod  non  frequenter  accidat,  praesertim  ubi  non  est  quotidianus  vini  usus.  Deinde  contextus  ostendit,  sub  finem  convivii  coepisse  vinum  deficere,  quum  iam  ex  more  saturos  esse  oporteret.  Sic  enim  loquitur  architriclinus:  Alii  deterius  vinum  inebriatis  apponunt:  tu  vero  hucusque  quod  optimum  erat  servasti.  Ad  haec,  non  dubito  quin  hoc  totum  divina  providentia  gubernatum  fuerit,  ut  locus  esset  miraculo.  3.  Dicit  mater  Iesu.  Dubitari  potest,  speretne  aliquid  ac  petat  a  filio,  quum  nullum  adhuc  miraculum  ipse  edidisset.  Et  fieri  potest  ut  tale  remedium  non  exspectans,  eum  admonuerit,  ut  pia  aliqua  exhortatione  convivis  taedium  eximeret,  ac  simul  levaret  pudorem  sponsi.  Porro  hanc  anxiae  aojjucafreiac  vocem  fuisse  interpretor.  Nam  quum  videret  sancta  mulier  posse  convivium  turbari,  quod  parum  se  honorifice  accipi  putantes,  qui  vocati  fuerant,  fremerent  adversus  sponsum,  aliquid  solatii  optavit.  Chrysostomus  eam  muliebri  affectu  sibi  et  filio  nescio  quid  favoris  captasse  suspicatur.  Sed  haec  coniectura  nihil  rationis  habet.  Sed  cur  tam  duriter  a  Christo  repellitur?  Respondeo,  quamvis  neque  ambitio,  neque  alius  carnis  affectus  ipsam  ageret,  in  eo  tamen  peccasse,  quod  fines  suos  excessit.  Quod  sollicita  est  de  aliorum  incommodo,  et  mederi  quoquo  modo  cupit,  hoc  humanitatis  est,  ac  virtuti  dandum:  sed  interea  se  ingerendo,  Christi  gloriam  obscurare  poterat.  Quanquam  simul  notandum  est,  Christum  non  tam  eius,  quam  aliorum