42:38  suivre  n'en  soit  destitue,  incontinent  nous  voions  donc  que  la  vanterie  du  Pape  est  frivole,  quand  il  allegue  qu'il  est  constitue  de  Dieu.  Ie  prens  le  cas  qu'ainsi  fust,  il  n'en  est  rien  toutesfois  quand  tout  sera  bien  considere,  mais  encores  s'il  avoit  succede  aux  apostres,  est  ce  a  dire  qu'il  doive  estre  receu,  quand  il  fait  tout  le  contraire  de  ce  que  les  apostres  ont  enseigne?  Nous  voions  comme  Dieu  ha  ici  condamne  par  son  ange  le  roy  Seleuche  lequel  estoit  constitue  en  dignite  royalle,  voire  selon  le  droit  du  pays,  mais  cependant  il  fait  passer  l'exacteur,  c'est  a  dire  il  impose  des  tributs  extraordinaires  pour  grever  son  peuple.  Par  cela  donc  il  nous  est  monstre  que  combien  qu'il  fust  constitue  a  la  facon  que  Dieu  avoit  commande  de  dominer,  que  neantmoins  ii  n'est  pas  approuve  de  luy,  d'autant  qu'il  ha  abuse  de  l'estat  auquel  il  estoit.  Or  il  est  dit,  Que  celuy  la  sera  froisse  en  peu  de  iours.  Voire  sans  grand  compagnie,  ne  sans  bataille,  il  y  ha  en  Ebrieu,  sans  faces,  c'est  a  dire  sans  rencontre,  car  il  meurt  incontinent,  et  ha  on  suspition  qu'il  ne  fust  empoisonne  par  Antiochus  Epiphanes  qui  succeda,  et  c'est  celuy  dont  parle  Daniel  qu'il  y  viendra  un  desprise,  mais  qu'il  entrera  sous  couverture  de  paix,  et  par  flateries.  Ce  Seleuche  ici  estoit  bien  plein  de  cruaute  et  d'avarice,  mais  cependant  il  ne  laissoit  pas  d'estre  un  homme  de  neant,  adonne  a  ses  plaisirs,  en  sorte  qu'on  n'en  tenoit  compte,  il  ni  avoit  nulle  reverence,  et  sur  cela  ce  mesprise  ici  dont  parle  l'ange,  print  courage  de  sortir  de  Rome  ou  il  estoit  en  hostage,  ainsi  que  nous  en  avons  touche  par  ci  devant,  car  son  pere  Antiochus  le  grand  avoit  este  contraint  de  donner  deux  ostages,  a  scavoir  luy  et  Demetrius  son  frere.  Or  il  scavoit  toute  ia  puissance  des  Romains,  et  comme  il  ne  pourroit  iamais  partir  de  la,  sinon  qu'il  usast  de  cautelle,  tellement  que  delaissant  son  frere  Demetrius,  ii  feist  tant  qu'il  eschappa  en  se  desrobant,  pource  que  les  Romains  ne  vouloient  point  consentir  que  cettui-ci  dominast,  toutesfois  quand  il  fust  en  Syrie,  il  occupa  le  royaume,  et  se  feist  creer  roy,  par  presents  et  corruptions.  Or  venons  maintenant  a  ce  que  dit  l'ange,  il  y  aura  un  desprise,  auquel  on  ne  donnera  point  honneur  royal,  mais  il  viendra  sous  paix,  et  entrera  par  flateries,  il  est  bien  certain  qu'Antiochus  Epiphanes  estoit  constitue  comme  un  fils  de  roy,  mais  il  n'estoit  pas  deuement  appele,  pour  dominer  sur  le  pays,  car  Seleuchus  avoit  laisse  un  heritier  naturel.  Or  il  est  dit  que  par  flateries  il  parviendra  au  royaume,  or  ce  que  les  Romains  luy  donnerent  conge,  c'est  a  dire  qu'ils  ne  feirent  pas  grand  poursuitte  pour  courir  apres  luy7  c'estoit  pour  ce  qu'ils  pensoient  bien  en  iouir,  pour  dire,  o  nous  le  tiendrons  en  nostre  manche,  il  aura  tout  ce  pays  d'Asie,  et  nous  en  ferons  ce  que  nous  voudrons,  car  il  ha  3*  88