40:38  quasi  inclusum  in  ergastulo.  Templum  enim  illis  erat  quasi  carcer  Dei.  Ideo  propheta  ostendit  providentiam  Dei  fulgere  in  cunctis  mundi  partibus.  Sed  quoniam  vigor  est  in  animalibus,  ideo  per  synecdochen  ponit  hic  quatuor  praecipuas  species  animalium.  Restat  tamen  una  quaestio,  et  difficilis.  Nam  capite  10,  pro  bove  ponit  Cherub.  Quidam  vel  putant  vel  saltem  respondent  procul  apparuisse  faciem  bovis  sed  propius  fuisse  Cherub.  Vident  omnes  illud  esse  cavillum,  quia  aliter  effugere  non  poterant,  excogitarunt  figmentum  illud,  in  quo  nihil  est  firmum.  Alii  existimant  Cherub  idem  esse  quod  bovem,  quod  facile  refellitur  compluribus  locis.  Cherubim  enim  non  habebant  bubula  capita,  ut  satis  notum  est.  Ego  itaque  non  dubito  quin  fuerit  aliquid  dissimile  in  secunda  visione,  ubi  Deus  prophetae  suo  in  templo  apparuit.  Dicitur  eadem  visio  propter  similitudinem,  sed  non  sequitur,  omnia  illic  fuisse  paria.  Nec  coniectura  haec  debet  repudiari,  quia  quum  se  Deus  patefecit  in  Chaldaea  servo  suo,  quemadmodum  iam  dixi,  voluit  hac  multiplici  figura  perstringere  populi  socordiam.  Ubi  autem  secundo  in  templo  apparuit,  illic  fuit  aliquid  magis  divinum.  Hinc  igitur  varietas,  quod  pro  bove  unumquodque  animal  tunc  gestavit  faciem  Cherub.  Ergo  praeter  totius  corporis  staturam,  fuit  etiam  aliquod  insigne  symbolum,  unde  propheta  propius  et  familiarius  cognosceret  animalia  illa  esse  Cherubim,  vel  angelos.  Haec  ratio  videtur  esse  consentanea,  cur  Deus  formam  prophetae  suo  ostenderit,  quae  propius  accederet  ad  formam  sanctuarii,  et  ad  duos  illos  Cherubim  qui  arcam  circumdabant.  Caeterum,  quidam  existimant  capita  sic  fuisse  disposita,  ut  caput  hominis  respiceret  versus  orientem  :  caput  autem  oppositum  versus  occasum  solis.  Sed  minime  dubium  est  quin  quatuor  facies  simul  apparuerint,  et  oculos  etiam  direxerint  in  unam  partem  :  ad  dextram  quidem  erant  duae  illae  formae  quas  diximus,  hominis,  et  leonis:  ad  sinistram  vero  bovis  et  aquilae.  Postea  sequitur,  l  l  .  Et  facies  eorum  (animalium:  quidam  hic  subsistunt,  deinde  accipiunt  adversative,  alae  autem  ipsorum  extentae  erant:  sed  quia  utroque  loco  ponitur  copula,  nescio  annon  melius  conveniat  legere  uno  contextu,  Facies  ergo  eorum)  et  alae  eorum  extentae  (vel  divisae)  erant  ab  excelso,  cuique  (loquitur  nunc  de  alis  ipsis),  colligatae  ad  socium:  et  duabus  tegebant  corpora  sua.  Dicit  tam  facies  quam  alas  fuisse  extentas,  quia  ab  uno  corpore  prodibant  quatuor  facies.  Hic  ergo  dicit  propheta  non  fuisse  simul  compactas,  quemadmodum  posset  in  uno  capite  conspici  quadruplex  forma:  esset  forma  hominis,  deinde  forma  leonis  sequeretur:  quemadmodum  in  speculo  uno  apparent  3*