4:38  car  tousiours  l'ame  fidele  viendra  au  dessus  pour  dire  avec  David,  Si  ie  chemine  au  milieu  de  l'ombre  de  la  mort,  ie  ne  craindray  point  de  mal,  d'autant  que  tu  es  avec  moy,  Seigneur  (Ps.  23,  4).  C'est  bien  certes  une  chose  espovantable  de  cheminer  en  l'obscurite  de  la  mort:  et  ne  se  peut  faire  que  les  fideles,  quelque  fermete  qui  soit  en  eux,  n'ayent  cela  en  grand  horreur:  mais  pource  que  ceste  pensee  surmonte  en  leur  esprit,  qu'ils  ont  Dieu  present  qui  a  le  soin  de  leur  salut,  la  crainte  est  vaincue  par  telle  asseurance.  Quelques  machinations  et  assauts  que  face  le  diable  contre  nous  (dit  sainct  Augustin)  pendant  qu'il  n'occupe  point  le  lieu  du  coeur  ou  la  foy  habite,  il  est  chasse  hors.  Parquoy  l)  si  on  iuge  par  l'experience,  non  seulement  les  fideles  eschappent  victorieux  de  tous  assaux,  tellement  qu'ayans  recueilly  vigueur,  ils  sont  prests  de  rentrer  a  combattre  mieux  que  iamais  :  mais  aussi  ce  que  dit  sainct  Iean  en  sa  Canonique  est  accompli  en  eux,  Vostre  foy  est  la  victoire  qui  surmonte  le  monde  (1  Iean  5,  4);  car  il  signifie  que  non  seulement  elle  sera  victorieuse  en  une  bataille  ou  en  dix,  mais  toutes  fois  et  quantes  qu'elle  sera  assaillie,  qu'elle  surmontera.  22.2)  ll  y  a  une  autre  espece  de  crainte  et  tremblement,  de  laquelle  tant  s'en  faut  que  la  certitude  de  foy  soit  diminuee,  que  plustost  elle  en  est  confermee:  c'est  quand  les  fideles  reputans  que  les  exemples  de  la  vengeance  de  Dieu  executee  sur  les  iniques  leur  doyvent  estre  pour  enseignemens,  afin  de  ne  provoquer  point  l'ire  de  Dieu  par  mesmes  delicts,  se  donnent  plus  soigneusement  garde  de  mal  faire;  ou  bien  quand  recognoissans  leur  misere  ils  apprennent  de  totalement  dependre  de  Dieu:  sans  lequel  ils  se  voyent  estre  plus  caduques  et  incertains  qu'une  bouffee  de  vent.  Car  l'Apostre  (1  Cor.  10,  5  s.)  en  ce  qu'apres  avoir  propose  les  chastimens  que  Dieu  avoit  faits  sur  le  peuple  d'Israel,  il  baille  une  crainte  aux  Corinthiens  de  ne  tomber  point  en  mesme  peche:  par  cela  ne  renverse  aucunement  leur  fiance,  mais  seulement  les  resveille  de  leur  paresse,  laquelle  plustost  a  coustume  d'ensevelir  la  foy  que  de  l'establir.  Pareillement  quand  de  la  ruine  des  Iuifs  il  prend  occasion  d'exhorter  celuy  qui  est  debout,  qu'il  se  garde  bien  de  choir  (1  Cor.  10,  l  l  .  12;  Rom.  11,  20):  il  ne  nous  commande  point  de  vaciller,  comme  si  nous  estions  incertains  de  nostre  fermete:  mais  seulement  il  oste  toute  arrogance  et  confiance  temeraire  de  nostre  propre  vertu,  afin  que  nous  qui  sommes  Gentils,  n'insultions  aux  Iuifs,  en  la  place8)  desquels  nous  avons  este  substituez.  Com-  1)  Parquoy  etc.  jusqu'a  la  fin  du  §.  a  ete  ajoute  en  1559.  2)  1541^.  197;  1545  p.  222;  1551  s.  Ch.  v.  §.  15.  3)  en  la  place,  manque  dans  1541  et  1545  par  erreur  typographique.  3*