37:38  iuvit:  ut  sit  sensus,  tametsi  insulae  opera  mea  viderint  et  cognoverint,  adeo  ut  iis  fuerint  pavefactae,  tamen  turmatim  collectae  inter  se  conspirarunt.  Quorsum?  ut  mutuo  se  cohortarentur  ad  novos  deos  fabricandos,  magisque  ac  magis  sese  in  caecitate  sua  confirmarent.  Crimen  ergo  gentium  exaggerat,  quum  proximo  suo  unumquemque  adiutorem  fuisse  dicit.  Et  certe  quisquis  probe  inquiret,  hunc  reperiet  superstitionum  omnium  esse  fontem,  quod  mutuo  consensu  homines  lucem  e  coelo  sibi  oblatam  obtenebrant.  Tametsi  vero  Dominus  hic  expostulat  cum  idololatris,  tamen  in  Iudaeorum  gratiam  facit,  ne  in  gentium  impietatem  declinent:  nec  se  a  Deo  et  recta  fide  dimoveri  patiantur.  Producit  ergo  in  medium  ingratitudinem  gentium,  ne  eam  Iudaei  aemulentur,  sed  in  vero  Dei  cultu  permaneant.  Hic  velut  in  speculo  perspicimus  quanta  sit  hominum  pravitas,  qui  nihil  proficiunt  in  operibus  Dei  contemplandis  :  imo  pervicaciores  redduntur,  magisque  sese  obstinant.  Sponte  enim  caligare,  et  in  media  luce  palpare,  quam  Deum  sese  palam  offerentem  intueri  malunt.  Ad  caecitatem  accedit  rabies,  qua  in  Deum  efferuntur,  et  certamen  cum  ipso  suscipere  non  dubitant,  ut  superstitiones  suas  tueantur.  Ita  ut  hoc  vitium  non  idololatria  tantum,  sed  idolomania  sit.  Hanc  insaniam  describit  Isaias  quum  ait  Sis  fortis,  age  strenue.  Sceleratam  enim  coniurationem  hominum  significat,  qua  se  mutuo  cohortantur,  imo  inflammant  ad  idolorum  cultum,  atque  propulsandum  timorem  Dei  quem  ex  potentia  ipsius  poterant  animo  concipere.  7.  (Et  confirmavit.)  Hic  versus  varie  exponitur,  et  certe  habet  aliquid  obscuritatis  :  nec  Hebraei  ipsi  in  verborum  interpretatione  consentiunt,  Cur  tSHn,  hic  pro  fabro  lignario  tantum  accipiatur,  non  video,  quemlibet  enim  fabrum  significat.  p^briD  vertunt  percutientem:  ego  in  nominativo  vertere  malo.  DJJD  Incudem  vertunt,  alii  malleum  minorem:  sed  quum  interdum  vicem  alteram  significet,  expositio  ista  mihi  optime  contextui  quadrare  videtur.  Nam  significat  propheta  fabros  vicissim  tundendo  sese  mutuo  incitare:  quoniam  in  idem  opus  intenti  incalescunt,  atque  alter  alterum  impellit  et  inflammat,  ut  quod  susceperunt  citissime  perficiant.  In  summa,  pervicaciam  idololatrarum  describit  et  insaniam  i  qua  alii  aliis  inspirant  ad  resistendum  Deo.  Hoc  vitium  unius  saeculi  non  fuisse  tam  ex  hoc  loco  quam  ex  omnibus  historiis  palam  est:  et  hodie  ipsi  experimur  plus  quam  optandum  esset.  Videmus  ut  homines  mutua  cohortatione  sese  impellunt  ad  tuendas  superstitiones  atque  idolorum  cultum.  Et  quo  illustrior  Dei  veritas  in  medium  prodit,  eo  obstinatius  contrarias  partes  sectantur,  ac  si  ex  professo  cum  Deo  bellum  gerere  in  animo  esset.  Etenim  ex  quo  enituit  purior  religio,  in  3*