35:38  enseigne  si  privement  en  sa  parole?  Pourronsnous  estre  excusez,  quand  nous  ne  luy  rendrons  point  tesmoignage  devant  les  hommes,  lors  que  nous  verrons  le  bien  estre  obscurci,  voire  renverse  du  tout,  et  que  nous  ne  nous  y  opposerons  pas?  Quand  donc  nostre  Seigneur  nous  appelle  a  cela,  qu'il  nous  impose  une  telle  charge,  si  nous  sommes  muets,  et  que  nous  ne  tenions  conte  de  maintenir  le  bien,  ou  plustost  que  par  nostre  silence  nous  aidions  aux  meschans:  ne  sommes  nous  pas  traistres  a  Dieu  et  a  sa  verite?  Il  est  bien  certain.  Ainsi  donc  d'autant  plus  nous  en  faut-il  estre  esmeus,  quand  nous  voyons  qu'un  homme  qui  n'avoit  point  este  enseigne  en  la  Loy  de  Dieu,  et  qui  n'estoit  point  du  corps  de  son  Eglise,  toutes  fois  a  voulu  ainsi  maintenir  la  verite  et  a  este  comme  force.  Il  est  vray  que  ceste  force  ici  est  volontaire:  car  Dieu  ne  transportera  point  les  hommes  quand  il  se  veut  servir  d'eux  pour  les  faire  aller  par  contrainte.  Ie  di  de  ses  Prophetes  et  vrais  serviteurs:  car  il  se  servira  bien  des  meschans  maugre  qu'ils  en  ayent:  mais  ie  parle  maintenant  de  ceux  ausquels  il  donne  l'Esprit  de  prophetie,  o  il  ne  les  fait  point  servir,  qu'il  ne  leur  donne  bonne  affection.  Il  a  bien  parle  par  la  bouche  de  Balaam,  et  cependant  nous  voyons  qu'il  n'a  pas  laisse  d'estre  un  seducteur,  et  le  sainct  Esprit  le  met  en  opprobre  et  infamie:  mais  quant  a  Eliu,  Dieu  l'a  suscite  comme  son  Prophete  qui  l'a  servi  de  son  bon  gre,  c'est  a  dire,  qu'il  a  surmonte  tous  les  empeschemens  qu'il  avoit,  qui  le  pouvoyent  destourner  de  maintenir  la  verite.  Et  ainsi  donc  auiourd'hui  quand  nous  verrons  que  la  verite  sera  opprimee,  que  les  uns  se  mocqueront  de  nous,  que  les  autres  tascheront  a  nous  mordre,  voire  a  nous  devorer  a  cause  que  nous  maintenons  la  verite:  que  nous  bataillions  contre  telles  tentations:  car  voila  la  contrainte  qui  doit  estre  en  nous.  Quelquefois  nous  aurons  honte  de  maintenir  une  bonne  querelle,  d'autant  que  nous  voyons  qu'on  ne  s'en  fait  que  mocquer,  que  ces  gaudisseurs  qui  se  mocquent  de  Dieu,  pourront  bien  aussi  avoir  l'audace  de  nous  tirer  la  langue,  et  convertir  en  risee  tout  ce  que  nous  mettrons  en  avant.  Or  il  ne  faut  point  que  la  verite  de  Dieu  nous  soit  contemptible,  combien  que  le  monde  la  reiette.  Que  ces  tentations  donc  ne  nous  empeschent  point,  que  nous  ne  bataillions  vertueusement  a  l'encontre  :  si  nous  voyons  que  les  haines  nous  soyent  tout  apprestees,  qu'on  machine  contre  nous  quelque  mal  pour  avoir  maintenu  une  bonne  querelle:  ne  la  laissons  point  pourtant:  il  est  vray  que  cela  sera  pour  nous  tirer  tout  au  rebours,  et  pour  nous  clorre  la  bouche:  mais  il  nous  faut  batailler  a  l'encontre  d'une  telle  tentation  a  l'exemple  d'Eliu.  Voila  donc  comme  les  serviteurs  de  Dieu  se  doivent  resoudre,  pour  n'estre  3*