33:38  este  une  vertu  beaucoup  plus  grande  a  Iob  de  porter  patiemment  que  Dieu  l'ait  prive  de  tout  ce  qu'il  lui  avoit  mis  entre  les  mains.  Or  il  est  dit  aussi  bien,  comme  ses  enfans  s'estoyent  portez,  et  comme  lui  aussi  de  sa  part  les  avoit  gouvernez  en  la  crainte  de  Dieu.  Et  c'est  a  fin  que  nous  sachions  quand  Dieu  l'a  afflige,  qu'il  a  monstre  par  effect  qu'il  peut  disposer  de  ses  creatures  a  son  plaisir,  qu'il  nous  faut  baisser  les  yeux  encores  que  nous  soyons  confus,  ne  voyans  point  la  raison  pourquoi  Dieu  traitte  ainsi  rudement  les  hommes,  et  faut  que  nous  confessions  qu'il  est  iuste,  attendans  qu'il  nous  revele  pourquoi  c'est  qu'il  dispose  les  choses  ainsi.  Or  maintenant  poursuivons  ce  qui  nous  est  ici  recite.  Il  est  dit,  Que  les  enfans  de  Iob  faisoyent  tous  les  iours  des  banquets  Vun  apres  Vautre,  chacun  a  son  tour,  et  appelloyent  leurs  soeurs  pour  venir  a  leur  compagnie.  Il  est  vrai  que  nature  incitera  bien  les  freres  d'avoir  amour  mutuelle  ensemble:  mais  tant  y  a  que  les  hommes  sont  si  malins,  qu'il  y  en  a  bien  peu  qui  regardent  ce  qu'emporte  la  fraternite.  Qu'ainsi  soit  nous  en  verrons  plusieurs  qui  sont  ennemis  mortels  comme  chiens  et  chats:  ils  sont  freres,  mais  cependant  ils  ne  laissent  point  d'avoir  haines  et  rancunes  entre  eux  tellement  que  l'un  voudroit  avoir  mange  l'autre.  Nous  en  verrons  donc  de  tels  (comme  les  hommes  s'abastardissent  en  cruaute)  que  les  freres  ne  sauront  que  c'est  de  concorde,  ne  d'amitie:  et  encores  que  cela  n'y  soit  point,  si  est-ce  qu'un  chacun  est  tellement  adonne  a  soy,  qu'il  y  en  a  bien  peu  qui  s'entr'aiment  comme  Dieu  les  instruit.  Voici  donc  le  sainct  Esprit  qui  nous  met  devant  les  yeux  un  miroir,  pour  nous  faire  contempler  qu'il  y  a  eu  bonne  concorde  et  amour  entre  les  enfans  de  Iob,  et  que  mesmes  ils  se  sont  tousiours  exercez  en  cela,  a  fin  de  ne  donner  nulle  mauvaise  suspicion  l'un  a  l'autre.  Car  les  banquets  qu'ils  faisoyent,  n'estoyent  sinon  pour  rendre  tesmoignage  de  leur  fraternite  et  concorde.  Et  voila  pourquoi  il  est  dit  notamment:  Qu'ils  envoyoyent  querir  leurs  soeurs,  a  fin  que  l'amitie  se  declarast  par  tout.  Voici  une  grande  vertu,  mais  cependant  si  voit-on  que  Iob  a  craint,  qu'il  n'y  eust  de  la  faute  en  ce  qui  estoit  institue  pour  bien,  et  pour  une  bonne  fin:  neantmoins  donc  voici  Iob  qui  pense,  Dieu  y  sera  offense.  Or  cest  exemple  est  bien  notable:  il  est  vrai  que  c'est  une  chose  aussi  plaisante  a  Dieu  qu'il  y  en  ait  point,  que  concorde  et  amitie  entre  les  hommes,  mesmes  entre  les  freres.  Nous  oyons  ce  qui  est  dit  au  Pseaume  (133),  C'est  une  chose  ioyeuse  quand  les  freres  sont  unis,  c'est  comme  la  rosee  qui  descend  pour  donner  substance,  et  nourriture  aux  champs,  c'est  comme  l'onction,  qui  a  decoule  de  la  barbe  d'Aaron,  sa  fin  que  l'odeur  en  fust  espandue  sur  3*