31:38  felicitatem  omnes  appetant,  videmus  tamen  quam  secure  sibi  indulgeant  in  peccatis:  imo  ut  quisque  pro  sua  libidine  a  iustitia  longissime  recessit,  quia  votorum  suorum  compos  est,  beatus  censetur.  Contra  vero  hic  propheta  docet,  neminem  ad  Dei  timorem  et  cultum,  legisque  studium  rite  posse  animari,  donec  statuerit,  miseros  esse  omnes  impios,  et  eodem  implicitos  fore  exitio  qui  non  procul  ab  eorum  consortio  discesserint.  Sed  quia  res  est  difficilis,  impios  quibus  permisti  sumus  ita  fugere,  ut  simus  prorsus  ab  ipsis  alieni,  propheta  ad  augendam  exhortationis  vehementiam,  verborum  congerie  utitur.  Ac  primo  quidein  ambulare  vetat  in  eorum  consilio:  deinde  stare  in  via:  postremo  in  cathedra  sedere.  Summa  quidem  est,  dandam  esse  operam  servis  Dei  ut  ab  illorum  moribus  in  totum  abhorreant.  Sed  quia  astute  suas  fallacias  insinuat  Satan,  ne  quis  incautus  fallatur,  ostendit  propheta  quomodo  paulatim  a  recta  via  deflectere  soleant  homines.  Neque  enim  primo  statim  gradu  ad  superbum  usque  Dei  contemptum  procedunt  :  sed  postquam  coeperunt  malis  consiliis  aurem  praebere,  longius  subinde  eos  Satan  abducit,  donec  in  manifestam  defectionem  ruant.  Ideo  a  consilio  incipit  propheta:  quo  nomine  intelligo  pravitatem  quae  nondum  palam  se  exserit.  Deinde  nominat  viam,  quae  sumitur  pro  vivendi  ratione  vel  instituto.  Tertia  ponit  cathedram:  qua  voce  metaphorice  designat  conceptam  ex  continuo  vivendi  more  duritiem.  Eodem  etiam  referri  debent  tria  verba  ambulare,  insistere  et  sedere.  Nam  ubi  quis  sponte  post  pravas  concupiscentias  erravit,  eum  inebriat  peccandi  consuetudo,  ut  sui  oblitus  in  malitia  obdurescat:  quod  propheta  vocat  in  via  insistere.  Tandem  sequitur  desperata  obstinatio,  quam  sessionis  metaphora  designat.  An  eadem  sit  gradatio  in  vocibus  D  W  ,  DWBp  et  D*3O,  viderint  alii  :  mihi  quidem  non  videtur,  nisi  saltem  in  postrema.  Derisores  enim  dicuntur,  qui  abiecto  omni  Dei  timore,  peccandi  licentiam  ex  fiducia  impunitatis  arripiunt,  et  quasi  nunquam  sit  reddenda  ratio,  secure  Dei  iudicio  illudunt.  Quia  tamen  DWlun  vocant  Hebraei  palam  sceleratos,  non  male  iunguntur  cum  professa  3��