29:38  soit  ils  en  sont  iuges.  Ce  passage  a  este  communement  expose,  comme  si  Moyse  se  plaignoit  que  les  ennemis  du  peuple  Payent  tellement  surprins,  et  qu'ils  les  ayent  tant  tourmentez  que  nul  ne  les  peust  secourir:  mais  c'est  tout  au  rebours.  Car  Moyse  declaire  ici,  que  si  Dieu  n'estoit  contraire  a  son  peuple,  qu'il  ne  seroit  pas  ainsi  afflige  de  ses  ennemis:  comme  s'il  disoit,  il  ne  vous  faut  point  regarder  ni  vos  forces,  ni  celles  de  vos  ennemis:  mais  cognoissez,  pource  que  vous  avez  bataille  contre  vostre  Dieu  en  l'offensant,  en  provoquant  sa  vengeance  contre  vous,  que  maintenant  c'est  luy  qui  vous  a  suscitez  tous  les  troubles  que  vous  endurez:  et  vos  ennemis  n'ont  point  une  goutte  de  vertu,  sinon  celle  qu'il  leur  donne  sur  vous.  Ne  pensons  point  donc  qu'ils  eussent  une  telle  puissance,  sinon  qu'il  vous  eust  vendus,  et  qu'il  vous  tinst  luy-mesmes  en  captivite,  qu'il  vous  eust  livre  entre  leurs  mains.  Et  qu'ainsi  soit,  est  il  semblable  a  leurs  idoles?  La  force  ne  gist  point  aux  hommes,  elle  vient  du  ciel.  Or  les  Payens  ne  meritent-  ils  pas  d'estre  privez  de  toute  aide,  quand  ils  adorent  leurs  idoles,  et  des  choses  mortes?  Or  maintenant  vous  adorez  le  Dieu  vivant,  il  a  declaire  qu'il  vous  tiendra  en  sa  garde,  et  qu'alors  vous  se*rez  asseurez  contre  tout  le  monde.  Puis  qu'ainsi  est  donc  que  vostre  Dieu  n'est  point  semblable  aux  idoles  des  Payens,  comment  seriez-vous  veincus  par  eux,  sinon  que  Dieu  vous  affligeast,  et  qu'il  vous  eust  quittez  et  abandonnez?  Et  qu'ainsi  soit,  dit-il,  nos  ennemis  mesmes  en  sont  iuges:  c'est  a  dire,  les  Payens  ont  cogneu  et  experimente  la  vertu  de  nostre  Dieu,  tellement  qu'il  faut  en  despit  de  leurs  dents  qu'ils  confessent  que  nostre  Dieu  a  toute  vertu  en  soy,  et  que  leurs  idoles  ne  sont  rien:  il  est  vray  qu'ils  demeurent  tousiours  en  leur  ignorance  et  bestise:  mais  l'experience  y  est,  quoy  qu'il  en  soit:  et  vous  ne  cognoissez  point  cela.  Ici  Moyse  redargue  encores  plus  l'obstination  du  peuple  en  ce  qu'il  n'a  poant  este  instruit  par  tant  de  chastimens  et  de  visitations.  Nous  voyons  donc  en  somme,  que  quand  les  verges  de  Dieu  nous  auront  este  inutiles,  qu'il  faudra  que  nous  en  payons  en  la  fin  les  arrerages:  car  il  y  a  tant  moins  d'excuse  en  nous.  Si  Dieu  nous  laissoit  la  bride  sur  le  col,  et  qu'il  ne  nous  advertist  point  de  nos  offenses,  et  mesmes  qu'il  nous  esblouist  en  nous  bandant  tellement  les  yeux  que  nous  n'y  puissions  pas  voir  goutte:  tant  y  a  encores  que  nous  ne  serions  pas  absouts  pour  cela:  mais  encores  la  transgression  ne  seroit  point  si  enorme,  et  qu'il  sembleroit  quant  aux  hommes,  que  nous  eussions  quelque  petite  excuse:  mais  il  tasche  de  nous  reduire  a  soy,  il  nous  monstre  que  nous  avons  mal  vescu,  il  nous  attire  a  repentance,  et  nous  poursuyvons  tousiours,  et  semble  que  nous  3*