28:38  telle  condition  comme  i'ay  dit:  c'est  qu'il  n'y  ait  point  de  superfluitez,  et  que  les  choses  ne  soyent  point  aussi  meslees  par  nos  fantasies.  Or  si  ceci  estoit  bien  observe,  nous  monstrerions  par  effect  que  nous  sommes  un  peuple  separe  a  Dieu,  et  que  nous  avons  sa  parolle  qui  nous  retient,  pour  ne  nous  point  mesler  parmi  les  pollutions  de  ce  monde.  Mais  quand  on  voudroit  deschiffrer  les  vices  qui  se  commettent  en  cest  endroit,  ce  ne  seroit  point  pour  un  sermon,  qu'on  voit  que  c'est  un  labyrinthe  auiourd'huy.  Et  c'est  grand  honte.  Et  cependant  chacun  regarde  a  son  profit.  Quand  nous  voyons  que  les  hommes  sont  chatouillez  de  leurs  folles  affections,  il  est  vray  qu'ils  bastissent  en  leur  cerveau:  Et  ceci  sera  beau:  il  faut  une  invention  nouvelle,  et  encores  ceci,  et  encores  cela.  Il  ne  sera  point  question  de  la  necessite  ni  de  l'usage:  mais  de  complaire  a  ses  convoitises  :  et  puis  de  tousiours  faire  nostre  profit.  Et  l'argent  se  despend-il  en  telles  superfluitez?  il  faut  qu'on  en  trouve:  et  cependant  il  n'y  a  qu'iniquite,  malice,  et  desloyaute  entre  les  hommes  :  et  pleust  a  Dieu  que  cela  ne  se  vist  point.  Mais  nous  y  devrions  mieux  penser  que  nous  ne  faisons  point.  Voila  comme  nous  avons  a  prattiquer  ceste  doctrine,  quand  Dieu,  apres  avoir  parle  de  la  nourriture,  vient  aux  accoustremens:  et  dit  qu'il  n'y  aura  point  variete  qui  Boit  pour  servir  de  fard,  et  pour  pervertir  la  simplicite  qu'il  a  mise  en  nature.  Et  de  faict,  si  nous  n'avions  nostre  veue  tant  corrompue,  il  est  certain  que  nous  iugerions  aiseement:  Et  cela  n'est  point  convenable.  Mais  quoy?  La  coustume  mauvaise  nous  esgare  tellement,  que  nous  ne  discernons  plus.  Pourquoy  est-ce  que  nous  ne  pouvons  iuger  qu'il  n'y  a  que  confusion  en  nostre  vie?  Et  c'est  que  nous  sommes  tant  abbreuvez  de  ces  ordures  de  nos  superfluitez,  que  nous  avons  perdu  tout  sentiment,  nous  sommes  devenus  comme  stupides:  mais  si  nous  prenions  des  gens  qui  ont  vescu  en  simplicite,  et  qu'ils  fussent  un  peu  retirez  a  part,  et  qu'ils  vissent  comme  les  hommes  se  pourmeinent,  et  qu'auiourd'huy  ils  ont  ceci,  demain  cela,  et  que  c'est  tous  les  iours  a  recommencer,  et  qu'on  ne  cesse  de  bastir  ie  ne  say  quoy  de  nouveau,  afin  que  ce  qui  a  este  en  usage  trois  iours  passe,  et  qu'il  s'escoule,  et  qu'on  gagne  de  l'argent  frais,  et  que  les  autres  despendent,  et  qu'ils  ayent  dequoy  faire  leurs  monstres  et  leurs  bravetez:  si  donc  des  bons  preudhommes  qui  auroyent  este  nourris  en  simplicite  voyoyent  cela  ils  auroyent  en  detestation  telles  folies.  Mais  cependant  si  ne  sommes-nous  point  excusez.  Combien  que  nos  vices  nous  aveuglent  ainsi,  tousiours  la  Loy  de  Dieu  demeurera,  et  demeurera  a  nostre  confusion,  si  nous  ne  pensons  mieux  de  nous  reduire,  et  de  nous  reformer  a  ceste  sobriete,  laquelle  Dieu  nous  commande.  Or  outre