27:38  Moyse  argue  ceste  audace  qui  est  aux  hommes,  et  ceste  folle  curiosite,  et  declaire  que  c'est  en  gardant  les  commandemens  et  statuts  qu'il  propose  au  nom  de  Dieu.  Ainsi  donc  nous  voyons  ici  que  nostre  Seigneur  nous  a  retranche  toutes  nos  inventions,  afin  que  nous  cuidions  plus  le  servir  a  nostre  phantasie.  Et  pourquoy?  Car  il  veut  avoir  obeissance,  et  la  prise  plus  que  tous  les  sacrifices  du  monde.  Si  ceci  eust  este  bien  observe,  auiourd'huy  il  n'y  auroit  pas  telles  disputes  comme  on  les  voit  entre  ceux  qui  se  nomment  Chrestiens:  car  il  ne  couste  rien  aux  Papistes  de  dire  qu'on  peut  accomplir  la  Loy  de  Dieu.  Et  pourquoy?  Car  iamais  ils  n'ont  cogneu  a  quelle  fin,  ni  a  quel  but  Dieu  a  pretendu  :  il  leur  semble  que  c'est  assez  de  se  maintenir  avec  les  hommes  :  et  puis  ils  font  Dieu  semblable  a  un  petit  enfant,  et  pour  ceste  cause  ils  disent  que  c'est  un  blaspheme,  de  dire  que  nous  ne  pouvons  accomplir  la  Loy  car  iamais  n'y  ont  essaye.  Des  contempteurs  de  Dieu  viendront  ici  dire:  Et  la  Loy  est  facile:  et  iamais  n'y  ont  touche  du  petit  doigt.  Mais  quand  nous  aurons  bien  poise  ce  qui  est  la  contenu,  alors  nous  sentirons  que  ce  n'est  pas  une  chose  si  aisee.  Et  au  reste  quand  nous  aurons  fait  comparaison  de  nos  perversitez  avec  la  Loy,  nous  trouverons  que  la  Loy  de  soy  est  assez  facile,  moyennant  que  nous  fussions  disposez  comme  nous  devons  estre:  mais  il  s'en  faut  beaucoup  que  nous  soyons  Anges:  et  il  faudroit  que  nous  fussions  d'une  nature  angelique  pour  obeyr  a  la  Loy  de  Dieu.  Car  elle  nous  retire  de  ce  monde,  et  nous  veut  amener  au  ciel:  et  nous  tendons  tout  au  rebours.  Et  puis  quand  on  parle  de  servir  a  Dieu,  on  n'auroit  point  ceste  hypocrisie,  de  dire,  et  bien,  il  faut  faire  ceci  et  cela,  oubliant  le  principal:  mais  nous  viendrions  a  la  source,  et  a  la  racine,  quand  il  est  dit  que  nous  devons  aimer  nostre  Dieu  de  tout  nostre  coeur:  que  Dieu  demande  ceste  integrite-la,  que  non  seulement  nous  facions  ce  qu'il  nous  commande,  mais  que  nous  y  prenions  plaisir,  et  que  ce  soit  la  nostre  souveraine  delectation:  et  quand  nous  voyons  qu'il  y  a  une  conformite  entre  Dieu  et  nos  affections,  que  nous  ayons  une  ioye  plus  grande,  que  si  nous  avions  tous  nos  souhaits,  et  appetits  charnels.  Et  au  reste,  on  ne  seroit  point  aussi  en  doute,  touchant  les  moyens  de  servir  a  Dieu,  comme  nous  voyons  que  tousiours  le  monde  a  decline  de  ceste  reigle  qui  est  continue  en  la  parolle  de  Dieu.  Qu'appelle-on  auiourd'huy  en  la  papaute  service  divin,  sinon  les  phantasies  que  les  hommes  se  sont  forgees  sans  aucune  raison?  Et  il  ne  s'en  faut  point  esbahir.  Oar  il  leur  sembloit  que  ce  n'estoit  gueres  que  la  Loy  de  Dieu,  et  ne  s'y  sont  pas  fort  amusez:  il  faut  donc  inventer  beaucoup  d'autres  menus  bagages.  Mais  ceux  qui  s'adonnent  a  3*