26:38  sainct  Paul  nous  console,  il  faut  que  nous  prenions  courage.  Il  dit:  Que  soit  que  la  parolle  de  Dieu  se  trouve  mortelle  envers  les  hommes,  ou  qu'elles  les  vivifie,  qu'elle  est  tousiours  une  bonne  odeur,  et  souefve  devant  Dieu.  Il  est  vray,  que  la  parolle  de  Dieu  de  soy  (comme  il  sera  encores  tantost  declare  plus  a  plein)  est  tousiours  odeur  de  vie.  Car  a  quoy  est-ce  que  Dieu  pretend  si  nous  regardons  sa  Parolle  en  sa  nature?  C'est  de  retirer  le  povre  monde,  afin  qu'il  soit  sauve:  mais  cependant,  si  est-ce  que  nous  experimentons  que  c'est  une  odeur  mortelle,  que  les  meschans  estouffent  et  sont  crevez  si  tost  qu'ils  flairent  ceste  parolle.  Il  ne  faut  point  qu'ils  en  goustent  ne  qu'ils  en  mangent:  mais  quand  ils  flaireront  de  loin  ceste  doctrine,  ce  leur  sera  poison:  que  le  Diable  les  transportera,  qu'ils  se  despiteront  a  l'encontre  de  Dieu,  et  le  tout  a  leur  ruine.  Or  voyons-nous  que  la  parolle  de  Dieu  tourne  ainsi  en  occasion  de  mort  a  beaucoup  de  gens?  si  nous  faut-il  prendre  courage,  dit  sainct  Paul.  Et  pourquoy?  Pource  que  l'odeur  est  bonne  et  souefve  a  Dieu,  quand  les  hommes  sont  rendus  inexcusables.  Or  maintenant  venons  a  declarer,  comment  la  parolle  de  Dieu  tend  a  vie,  qu'elle  ha  ceste  proprieto-la,  combien  que  les  hommes  par  leur  malice  la  convertissent  a  leur  condamnation  mortelle.  Ceci  est  assez  exprime,  quand  il  est  dit:  Que  Moyse  envoye  message  de  paix  a  Sehon  Roy  des  Amorrheens.  Il  demande  donc  de  s'abstenir  de  toute  nuisance,  si  Sehon  le  pouvoit  souffrir.  Or  regardons,  a  quelle  fin  l'Evangile  se  presche,  et  en  qu'elle  facon  ?  Qu'estce  qui  est  la  contenu,  sinon  que  Dieu  se  veut  reconcilier  au  monde,  ainsi  que  S.  Paul  en  parle  au  5.  de  la  seconde  aux  Cor.  Tout  ainsi  donc  que  Dieu  nous  envoye  message  de  paix,  qu'il  ne  demande  sinon  de  se  monstrer  pere  envers  tous  ceux  qui  se  rendent  dociles  envers  luy,  et  que  nostre  Seigneur  Iesus  nous  est  propose  comme  le  moyen  que  nous  avons  pour  estre  receus  en  l'amour  de  nostre  Dieu,  et  en  sa  grace,  voila  un  message  de  paix.  Et  de  faict,  l'Evangile  est  ainsi  intitule,  et  non  sans  cause.  Il  est  vray  que  la  Loy  a  este  message  de  paix,  a  cause  des  promesses.  Si  nous  regardons  la  Loy  estroitement,  comme  S.  Paul  en  parle  quelque  fois  ce  sera  bien  un  message  d'ire:  mais  quand  nous  regardons  les  promesses  qui  ont  este  donnees  aux  peres  anciens,  Dieu  des  le  commencement  du  monde  a  voulu  que  les  povres  pecheurs  cogneussent  sa  misericorde,  et  qu'ils  vinssent  a  luy.  Et  voila  pourquoy  il  est  dit,  que  Iesus  Christ  nous  annonce  la  paix  (ainsi  que  S.  Paul  en  parle  aux  Eph.)  et  loin  et  pres:  qu'il  veut  que  cela  soit  publie  par  tout  le  monde:  que  Dieu  ne  demande  sinon  de  nous  tenir  en  son  amour.  Voila  comme  nous  trouverons  salut  en  l'Evangile.  Maintenant  donc  nous  voyons,  que  si  la  parolle  de  Dieu  est  consideree  en  soy,  que  ce  '3*