24:38  fuit  legis  promulgatae  respectu,  quae  verum  De  cultum  praescribit.  Hoc  si  considerassent  posteri  Iacob,  nunquam  opposuissent  Bethel  quasi  locum  sacrum  Sioni:  quia  sicuti  Deus  semel  patriarchae  apparuit,  tamen  locum  illum  non  elegerat:  ideoque  quod  singulare  erat,  perperam  in  commune  exemplum  traxerunt.  6.  Ego  Deus  patris  tui:  Deus  Abraham,  Deus  Isaac,  et  Deus  Iacob.  Et  operuit  Moses  faciem  suam,  quia  timuit  aspicere  ad  Deum.  7.  Et  dixit  Iehova:  Videndo  vidi  afflictionem  populi  mei  qui  est  in  Aegypto  ,  et  clamorem  eorum  audivi  a  facie  exactorum  eius:  certe  cognovi  ')  dolores  eius.  8.  Descendi  itaque  ad  liberandum  eum  e  manu  Aegyptiorum,  et  educendum  e  terra  ista  in  terram  fertilem  ac  latam,  in  terram  fluentem  lacte  et  melle,  in  locum  Cananaei  et  Hitthaei  et  Amorrhaei  et  Pheresaei  et  Hivaei  et  Iebusaei.  9.  Nunc  ecce  clamor  filiorum  Israel  venit  ad  me:  atque  etiam  vidi  afflictionem  qua  Aegyptii  opprimunt  eos.  6.  Ego  Deus  patris  tui.  Non  tantum  se  aethereum  aliquod  numen  esse  pronunciat,  nec  tantum  in  genere  sibi  vendicat  Dei  nomen,  sed  foederis  sui  olim  cum  patribus  sanciti  memoriam  renovans,  prosternit  omnia  idola  et  fictitios  Deos,  et  Mosen  in  recta  fide  confirmat.  Hinc  enim  certo  cognovit  se  non  frustra  sperasse  in  Deo  quem  coluerant  Abraham  et  alii  patres,  et  qui  adoptionis  privilegio  segregaverat  genus  ipsorum  a  cunctis  gentibus.  At  ne  longo  temporis  tractu  obsoletum  esse  putet  Moses,  quod  de  Abraham  traditum  per  manus  fuerat,  diserte  fidem  suam  adhuc  constare  exprimit:  Deum  se  patris  eius  vocando.  Quia  vero  redemptionis  spem  facturus,  foederis  memoriam  renovat,  inde  colligitur  non  obliteratum  fuisse  in  corde  Mosis:  quia  absurdum  fuisset  de  re  incognita  verba  facere:  nec  profuisset  quidquam  obiicere  promissiones,  quarum  nullius  in  corde  Mosis  viguisset  cognitio.  Quoniam  ergo  a  foedere,  quod  olim  pepigerat  Deus  cum  patriarchis,  pendebat  spes  redemptionis  electi  populi,  commemorat  non  frustra  sibi  creditum  esse,  quia  pactio  non  erit  irrita.  Quod  Moses  faciem  suam  texit,  non  tantum  reverentiae  fuit  signum,  sed  etiam  terroris.  Uterque  tamen  affectus  nobis  considerandus  est,  quod  subito  exhorruerit  ad  Dei  conspectum,  et  eius  maiestatem  sponte  veneratus  sit.  Religione  vero  tangi  ac  percelli  eius  animum  operae  pretium  fuit,  ut  ad  obediendum  esset  propensior.  Velare  etiam  angelos  faciem  suam,  quia  immensam  Dei  gloriam  non  ferunt,  legimus  apud  Isaiam  6,  2.  Nihil  itaque  mirum  si  mortalis  homo  eam  aspicere  ausus  non  fuerit.  Dei  porro  nomen  1)  In  margine:  Vel,  quia  cognovi.  3*