22:38  desia  luymesmes  nous  a  ouvert  comme  une  premiere  porte  en  son  royaume  quand  il  a  destruict  ces  deux  tresmauvaises  pestes,  a  scavoir  est  la  securite  contre  sa  vengeance  et  la  faulse  confiance  de  nous.  Car  lors  nous  commenceons  a  eslever  les  yeulx  au  ciel  iesquelz  auparavant  estoient  fischez  et  arrestez  en  terre,  et  nous  qui  reposions  en  nous  mesmes  souspirons  au  Seigneur.  Et  aussi  dautre  part  ce  Pere  de  misericorde,  combien  que  nostre  iniquite  meritoit  bien  autre  chose,  toutesfois  selon  sa  benignite  inenarrable  il  se  monstre  voluntairement  a  nous  ainsi  affligez  et  estonnez  et  par  telz  moyens  quil  cognoist  estre  expedient  a  nostre  imbecillite,  nous  rappelle  derreur  a  droicte  voye,  de  mort  a  vie,  de  ruine  a  salut,  du  regne  du  diable  a  son  regne.  Puys  doncq  que  le  Seigneur  establist  premierement  ce  degre  a  tous  ceulx  quil  luy  plaist  de  remettre  en  lheritage  de  la  vie  celeste,  cest  que  estans  navrez  par  la  conscience  et  charge  *  du  poix  *  de  leurs  pechez,  \Ue]  soient  poinctz  et  picques13)  a  avoir  crainte  de  luy,  il  nous  propose  au  commencement  sa  Loy  laquelle  nous  exerce  en  ceste  cognoissance.  De  la  Loy  du  Seigneur,  En  la  Loy  de  Dieu  nous  est  donnee  une  tresparfaicte  reigle  de  toute  iustice,  laquelle  par  bonne  rayson  on  peult  appeller  leternelle  volunte  du  Seigneur:  car  la  il  a  pleinement  et  clairement  comprins  en  deux  tables  tout  ce  quil  requiert  de  nous.  En  la  premiere  il  nous  a  prescript  en  peu  de  commandemens  qui  est  le  service  de  sa  maieste  lequel  luy  est  aggreable.  En  lautre  qui  sont  les  offices  de  charite  Iesquelz  sont  deux  *  au  prochain.  Oyons  la  doncques  et  apres  nous  verrons  quelle  doctrine  il  nous  en  fault  prendre  et  pareillement  quel  fruict  nous  en  debvons  recueillir.  EXODE  20.  Je  suys  le  Seigneur  ton  Dieu,  qui  tay  tyre  hors  de  la  terre  dEgypte  et  de  la  mayson  de  servitude.  Tu  nauras  point  de  dyeux  estrangiers  devant  ma  face.  La  premiere  partie  de  ce  commandement  est  comme  une  preface  sur  toute  la  Loy:  car  quand  il  se  prononce  estre  le  Seigneur  nostre  Dieu  il  se  declaire  estre  celuy  qui  a  droict  de  commander  et  au  commandement  duquel  obeissance  est  deue,  ainsi  comme  il  dict  par  son  prophete:  Si  ie  suis  13)  Le  latin  dit  Simplement  excitentur.