16:38  crucem  tollendus,  et  non  modo  carus,  sed  ita  exceptus  cum  suis.  Videat  Dominus  et  callidos  in  ipsorum  astu  et  consilio  comprehendat.  Vale  quam  optime,  Christus  perpetuo  tibi  adsit  et  profuse  suis  te  impleat  benedictionibus  et  ecclesiam  semper  reddat  feliciorem  et  perfectiorem  in  omni  gratia  et  benedictione.  Saluta  collegas,  sanctos  syndicos,  coetum  omnem  vicinorum  et  piorum.  Collega  te  salutat  et  nostri  omnes,  Dommartinus.  ll.  Februarii  1556.  Tuus  Farellus.  2392.  VERMILIUS  BULLINGERO.  Calvini,  Bullingeri,  Ochini  scripta  contra  Westphalum,  tam  edita  quam  edenda  laudat:  ipse  pro  tempore  nihil  pollicetur.  (Excerptum  ex  autographo  Arch.  Turic.  Plut.  VI.  Vol.  132,  olim  Scrin.  B.  Epp.  Tom.  45,  fol.  222.  Simler.  Vol.  86,  Sine  inscriptione.)  .  .  Vidi  quae  optimus  in  Christo  frater  noster  Calvinus  in  Westphalum  scripsit,  mihique  maxime  placuerunt,  et  visus  est  se  ipsum  praestitisse,  quum  in  causa  tum  in  homine  pro  meritis  tractando.  De  te  quoque  *)  non  dubito  quin  et  rei  et  homini  sis  optime  et  firmissime  responsurus.  Bernardinum  quoque  nostrum  licet  senem,  attamen  scientem,  pugnae  confido  non  defuturum.  Ego  vero  sic  assiduo  studio  docendi  tantum  non  obruor  ut  nihil  in  praesentia  queam  polliceri  .  Argentinae  17.  Februarii  1556.  Tuus  quantus  est  Petrus  Martyr.  2392.1)  Bullingeri  Apologetica  expositio  his  ipsis  diebus  e  prelo  exiisse  videtur  (cf.  N.  2382).  De  Ochino  vide  ibidem.