11:38  De  concionatoribus  nondum  audeo  pronunciare,  nisi  quod  semper  multa  in  illis  desidero.  Nam  quod  meam  ad  Sadoletum  responsionem,  quae  illic  est  edita,2)  pro  argumento  accipis  animi  non  malevoli,  in  eo  falleris,  si  mihi  verum  scripserunt  alii.  Indicarunt  enim  restitisse3)  quoad  in  se  fuit,  senatum  vero  invitis  illis  concessisse.  Quanquam  illud  parum  me  afficit:  modo  se  in  officio  suo  ita  gerant,  ut  mihi  et  aliis  possint  occasionem  omnem  agendi  praeripere.  Quemadmodum  enim  mea  nihil  refert,  ita  minime  curo  per  quem  agatur  negotium  Domini,  modo  bene  agatur.  Sed  in  hoc  scilicet  falluntur  quod  sine  alieno  auxilio  sufficere  se  posse  existimant,  quum  vix  ad  dimidium  spatium  perventuri  sint  etiamsi  a  multis  adiuventur.  Quod  semper  dico,  me  ad  solum  invocationis  auditum  exhorrere,  in  eo  plus  satis  causae  me  habere  nosti.  Neque  vero  illud  me  solum  terret  quod  te  pertinaciter  recusant:  quanquam  fateor  mihi  summum  esse.  Sed  multa  quoque  alia  sunt  quae  nec  commemorare  necesse  est,  et  melius  in  tuum  adventum  differentur.  Quo  longius  progredior,  eo  clarius  conspicio  e  quo  gurgite  me  Dominus  liberarit.  Hunc  exitum  habuit  principum  et  civitatum  conventus.4)  Quum  se  ad  omnes  aequas  conditiones  obtulissent,  modo  Caesar  totius  imperii  synodum  convocaret,  ambiguum  responsum  acceperunt.  5)  Interim  Caesar  ab  adversariis  intelligit  eos  ne  pilo  quidem  cessuros  sententia,  sed  tentare  vias  omnes  quibus  alios  in  partes  suas  pertrahant.  Ergo  rationem  excogitat  qua  utrisque  satisfaciat,  papistis  scilicet  ac  nostris.  Subornat  Granvillanum  cancellarium  et  duos  comites6)  qui  sese  tanquam  intercessores  ingerant,  ac  nostrorum  animos  per  tentent,  quo  possint  melius  Caesari  explicare  et  impetrare  quod  aequum  erit.  Si  artem  nondum  intelligis,  nostri  conventum  sibi  promissum  summa  contentione  urgebant:  papistae  altera  ex  parte  classicum  canebant,  rem  indignam  esse  clamitantes,  ut  Caesar  diutius  nostrorum  tergiversationes  ferret.  Ille,  ut  nunc  res  eius  impeditae  sunt,  quia  neque  arma  movere  audet,  nec  synodum  haberi  posse  existimat  sine  concussione  totius  Germaniae,  papistarum  furorem  retardat  quum  dicit  se  velle  dispicere  ne  quid  temere  ac  intempestive  agendo  eum  quoque  secum  bello  implicent,  et  nostris  nihil  concedit.  Quanquam  autem  videbant  se  hac  simulatione  ludi,  nihil  tamen  quod  ad  pacem  tranquillitatemque  ecclesiae  facere  videretur  recusandum  censuerunt.  Responsionem  ergo  conscripserunt  Granvellano,  ex  qua  intelliges  quid  habeant  animi.  Quoniam  Caesar  nec  latinam  2)  V.  Prolegg.  nostra  T.  V.  p.  45  seq.  3)  that  the  preachcrs  who  oppo&ed  it  made  araends,  4)  Smalcaldiae.  h)  Sleidan.  II.  lll  ss.  Hortleder,  L  130  ss.  6j  Nuenar  et  Manderscheid  {Ranke,  IV.  149).