10.1:38  de  nature,  et  est  deffendu  tant  par  la  loy  de  Dieu  que  par  les  loix  civiles.  Pareillement  d'oncle  a  niepce  ou  arriere  niepce,  de  tante  a  nepveu  et  arriere  nepveu1)  et  consequemment,  d'aultant  que  l'oncle  represente  le  pere  et  la  tante  est  au  lieu  de  la  mere.  Item  entre  frere  et  soeur,  soit  de  pere  et  de  mere,  ou  de  l'un  d'iceux.  Des  aultres  degrez,  combien  que  le  mariage  n'y  soit  point  deffendu  ne  de  la  loy  de  Dieu  ne  du  droict  civil  des  romains,  neantmoins  pour  eviter  scandale,  pour  ce  que  de  long  temps  cela  n'a  pas  este  accoustume,  et  de  peur  que  la  parolle  de  Dieu  ne  soit  blasphemae  par  les  ignorans,  que  le  cousin  germain  ne  puisse  contracter  mariage  avec  sa  cousine  germaine  iusque  a  ce  que  avec  le  temps  il  en  soit  aultrement  advise  par  nous.  Aux  aultres  degrez,  qu'il  n'y  ayt  nul  empeschement.  Des  degrez  d'affinite.  Que  nul  ne  prenne  a  femme  la  relaissee  de  son  filz,  ne  du  filz  de  son  filz,  et  que  nulle  ne  prenne  le  mary  de  sa  fille  ou  de  la  fille  de  sa  fille,  et  consequemment  des  autres  tirans  en  bas  en  ligne  droicte.  Que  nul  ne  prenne  la  fille  de  sa  femme,  ne  la  fille  descend  ante  d'icelle  et  consequemment.  Que  la  femme  aussy  ne  puisse  prendre  le  filz  de  son  mary,  ne  le  filz  de  son  filz  et  consequemment.  Pareillement  que  nul  ne  prenne  la  relaissee  de  son  nepveu  ou  de  son  arriere  nepveu,  et  que  nulle  femme  aussy  ne  prenne  le  mary  de  sa  niepce  ou  arriere  niepce.  Que  nul  ne  prenne  la  relaissee  de  son  frere,  ne  la  femme  aussy  celluy  qui  aura  este  mary  de  sa  soeur.  Aultre  empeschement.  2)  Que  celluy  qui  aura  commis  adultere  avec  la  femme  d'aultruy,  quand  il  sera  venu  en  notice,  ne  la  puisse  prendre  en  mariage,  pour  le  scandale  et  les  dangers  qui  y  sont.  Que  les  promesses  se  facent  simplement.8)  Combien  qu'en  pourparlant  ou  devisant  du  mariage  il  soit  licite  d'y  adiouster  condition  ou  reserver  la  voulonto  de  quelcun,  toutesfois  quand  ce  vient  a  faire  la  promesse,  qu'elle  soit  pure  et  simple,  et  qu'on  ne  tienne  point  pour  promesse  de  mariage  le  propos  qui  aura  este  sous  condition.  1)  Le  ms.  a  par  erreur:  arriere  niepce.  2)  Ce  titre  manque  dans  Ies  exemplaires  susnommes.  3)  Dans  les  memes  eoex.  cet  article  Dient  apres  le  chapitre  des  causes  pour  lesquelles  une  promesse  peut  se  rescinder.  3*