1:38  [CO  1.  38]  obiurgationes,  quae  apud  Iesaiam  leguntur  (Ies.  1  et  58),  quam  iis,  quos  sua  aetate  propheta  increpabat.  Aliud  in  sabbatismo  spectandum  officium  Iudaeis  erat,  non  illud  ad  religionem  pertinens,  sed  ad  conservandam  inter  homines  aequitatem,  quae  vult  interdum  servorum  et  animalium  operas  remitti,  ne  inhumani  exactores  assidue  instando,  ultra  iustum  modum  ipsos  premant.  Quanquam  haec,  ut  arbitror,  magis  instituti  utilitas  a  Mose  indicabatur  (Exod.  23.  Deut.  5),  quam  instituendi  causa.  Huius  aequitatis  ratio  a  nobis  hodie  quoque  habenda  est,  non  servili  quadam  necessitate,  sed  prout  caritas  dictaverit.  En  quatuor  prima  praecepta,  quae  praescribunt  quales  nos  erga  Deum  gerere  debeamus,  quibus  prima  tabula  clauditur.  Quod  autem,  praeter  vulgarem  et  fere  ubique  usitatam  [OS  49]  formam  quatuor  praecepta  sub  prima  tabula  includo,  id  non  aut  nulla,  aut  levi  etiam  ratione  factum  est.  Nam  qui  aliter  partiuntur,  secundum  mandatum  quod  recitavimus,  numero  expungunt,  quod  indubie  mandati  loco  distincte  a  Domino  positum  est;  decimum  vero  de  non  concupiscendis [p. 65]  proximi  rebus,  inepte  in  duo  concerpunt  quod  unum  et  idem  est.  Ad  haec  talem  partiendi  rationem  puriore  saeculo  incognitam  fuisse,  intelligi  ex  eo  potest,  quod  Origenes  hanc  nostram  sine  controversia  posuit.  1)  Augustini  quidem  tempore  iam  illa  inventa  erat:  sed  non  ab  omnibus  probabatur.  Ipsi  certe  Augustino  2)  ob  nimium  levem  causam  arrisit,  quod  in  numero  trinario  (si  tribus  praeceptis  conficiatur  prima  tabula)  magis  eluceat  mysterium  trinitatis,  in  caeteris  nostra  magis  ei  placebat.  Nobiscum  sensit  autor  operis  imperfecti  in  Matthaeum.  3)  Nec  dubita  verim  diaboli  fraude  id  factum,  ut  sensim  ex  hominum  animis  mandatum  illud  elaberetur,  quo  tam  caute  idololatria  prohibetur.  Hoc  obiter  perstringendum  fuit,  ne  quis  ceu  novam  et  nuper  excogitatam,  nostram  partitionem  aut  miretur,  aut  rideat.  Superest  secunda  tabula.  MANDATUM  V.  Honora  patrem  et  matrem.  Hoc  est,  quandoquidem  timeri  a  nobis  Deum  atque  amari  oportet:  ne  parentes  vel  negligamus,  vel  ulla  in  re  offendamus,  verum  his  multum  deferamus,  eos  revereamur  et  colamus,  iis  sub  Domini  voluntate  obediamus,  iis  commodare  ac  gratificari  studeamus,  quibuscunque  in  rebus  illis  usui  esse  poterit  nostra  opera  (Eph.  6.  Matth.  15).  Additur  bene-  1)  Orig.  in  Exod.  2)  Aug.  lib.  quaest.  vet.  Testament.  3)  Haec  verba:  Nobiscum  etc.,  in  margine  extantia  hic  suo  inseruimus  loco.  Edd.  3*