9:379  379  EXPOSITIO  IMPIETATIS  380  restringis  in  angustias  materni  uteri,  atrocem  iniuriam  Christi  apostolis  inuris,  eos  in  erroris  tui  Societatem  trahendo.  xxVi.  Quicunque  a  virginis  partu  aeternum  λόγον  a  visibili  Christo  seorsum  considerant,  duos  sibi  filios  necessario  constituunt,  invisibilem  alterum  et  impatibilem.  Quam  sententiam  divus  Irenaeus  merite  homicidialem  appellat.  Tantum  ad  portenta  attendant  lectores:  Deum  proprie  fuisse  passibilem  et  mortuum,  tristitiae,  dolori,  timori,  ignorantiae  quoque  obnoxium,  [pag.  35]  Mortuus  est  Christus:  Deum  vult  mortuum  esse  hic  nebulo.  Lacrymatus  est,  doluit,  timuit,  denique  nescivit  diem  resurrectionis:  mavult  Valentinus  ignorantiae  Deum  subiicere,  quam  distinguere  inter  duas  naturas.  Quid  vero  impudentius,  quam  talibus  blasphemiis  obtendere  Irenaei  nomen?  Omitto  quod  prodigiosam  vocem  Homicidialis  sententiae  ex  suo  cerebro  genuit.  Disputat  Irenaeus  contra  demiurgi  fictores,  quibus  spiritus  sanctus  erat  Christus.  Quum  ergo  plures  fabricarent,  ac  garrirent  etiam  Christum  in  specie  columbae  descendisse  super  Christum:  eos  quidem  spiritum  interimere,  alium  autem  Christum,  et  alium  Iesum  docere  dicit.  Totus  autem  mundus  satis  superque  novit  quam  remoti  simus  non  tantum  a  tali  vesania,  sed  etiam  a  Nestorii  commento,  qui  Christum  duplicem  induxit.  xxVii.  Qui  contendit  spiritum  sanctum,  sive  tertiam  trinitatis  personam,  tam  respective  quam  ad  se,  non  esse  vere  spiritualem  substantiam,  sed  nescio  quam  fictitiam  proprietatem,  is  manifeste  negat  spiritum  esse  spiritum,  hoc  est,  veritatem  esse  veritatem.  Non  dubium  est  quin  sibi  in  puerilibus  istis  ineptiis  valde  placuerit  Gribaldus,  cuius  Valentinus  est  histrio.*)  Sed  quam  ridicule  ineptiat,  nullo  [pag.  36]  negotio  ostendam.  Primo  fallitur,  quod  eodem  ubique  sensu  accipit  nomen  spiritus.  Nam  quum  Deus  sit  spiritus,  frustra  distingueretur  a  patre  spiritus,  atque  eius  spiritus  vocaretur,  nisi  diverso  modo  et  respectu.  Videmus  ergo  ut  nebulo  2)  rudimentorum  expers  omnia  conturbet.  Iam  si  proprietate  spiritus  personam  ab  aliis  duabus  distinguimus,  an  fictitium  quid  erit,  quia  non  capitur  a  Valentino?  Nos  vero  spiritum  in  tertia  persona  asserimus  esse  Deum,  quia  spiritualis  est  essentiae,  et  ei  nihilominus  suam  proprietatem  servamus.  1)  bastelleur  on  badin.  2)  ce  babouin  de  brouillon.