8:379  379  QUATRE  SERMONS.  380  avons  a  exposer  nous  mene  la.  Comme  en  ee  passage  David  fait  une  grande  protestation  et  comme  un  voeu  solennel  de  ne  iamais  participer  aux  sacrifices  des  idolatres,  mesmes  d'avoir  les  idoles  en  telle  haine  et  detestation,  qu'il  s'abstiendra  de  les  nommer,  comme  s'il  polluoit  sa  bouche  en  les  nommant.  Ceci  n'est  pas  le  faict  particulier  d'un  homme,  mais  l'exemple  de  David  est  une  reigle  generale  a  tous  enfans  de  Dieu.  Toutesfois  a  fin  que  cela  nous  soit  cogneu  plus  clairement,  et  qu'aussi  nous  en  soyons  mieulx  touchez,  notons  la  raison  qu'il  adiouste,  laquelle  est  comme  le  fondement  de  l'horreur  qu'il  ha  de  se  mesler  parmi  les  idolatres.  Le  Seigneur,  dit-il,  est  mon  heritage.  Ceci  n'est-il  pas  commun  a  tous  fideles?  Pour  [f.  6]  le  moins,  il  n'y  a  celuy  qui  ne  s'en  glorifie.  Et  de  faict,  il  est  bien  certain  que  Dieu  s'estant  une  fois  donne  a  nous  en  la  personne  de  son  Fils,  iournellement  nous  convie,  a  fin  que  nous  le  possedions.  Mais  il  y  en  a  bien  peu  qui  soyent  affectionnez  en  cest  endroict,  comme  la  chose  le  merite.  Car  nous  ne  pouvons  posseder  Dieu  qu'a  ceste  condition,  que  nous  soyons  aussi  du  tout  siens.  C'est  donc  a  bon  droit  que  David  se  fonde  sur  ce  theme,  puisque  Dieu  est  son  heritage,  qu'il  s'abstiendra  de  toutes  pollutions  des  idoles,  lesquelles  nous  destournent  et  alienent  de  luy.  Voyla  pourquoy  le  prophete  Esaie  (57,  6),  apres  avoir  reproche  aux  Iuifs  qu'ils  s'estoyent  abandonnez  a  des  faulx  dieux  qu'ils  s'estoyent  forgez,  adiouste:  Ceulx-la,  ceulx-la  soyent  ta  portion:  signifiant  par  ces  mots  que  Dieu  quiete  toute  alliance  aux  idolatres,  et  les  prive  et  desherite  du  bien  infini  qu'il  leur  avoit  faict  en  se  donnant  a  eulx.  Quelqu'un  repliquera  qu'il  est  la  traicte  de  ceulx  qui  se  fient  aux  idoles  et  s'y  abusent  par  incredulite.  Ie  le  confesse:  mais  ie  respon,  au  contraire,  que  si  ceulx  qui  attribuent  du  tout  l'honneur  de  Dieu  aux  idoles  sont  pleinement  retranchez  de  luy,  ceulx  aussi  pour  le  moins  s'en  esgarent  en  partie,  qui  par  crainte  et  infirmite  seignent  de  consentir  aux  superstitions.  'Car  on  ne  peut  en  quelque  facon  que  ce  soit,  ni  de  cueur,  ni  de  maintien,  ni  de  volonte,  ni  par  semblant,  s'approcher  des  idoles,  qu'on  ne  se  recule  autant  loing  de  Dieu.  Parquoy  ayons  cest  article  resolu,  que  ceulx  qui  cerchent  vrayement  et  en  purete  de  cueur  de  posseder  Dieu  pour  leur  heritage,  n'auront  nulle  accointance  aux  idoles,  avec  lesquels  il  ha  un  tel  divorce,  qu'il  veult  que  tous  les  siens  leur  facent  guerre  mortelle.  Et  notamment  David  exprime  en  ce  passage  qu'il  ne  participera  point  a  leurs  offrandes,  et  que  leurs  noms  ne  passeront  point  par  sa  bouche.  Il  pouvoit  bien  dire:  Ie  ne  m'abuseray  point  aux  sottes  devotions  des  incredules,  ie  ne  mettray  point  ma  confiance  en  tels  abus,  ie  ne  laisseray  point  la  verite  de  Dieu  pour