6:379  RESPONSIO  CONTRA  PIGHIUM  sancti  gratia  in  bonam  mutetur.  Neque  sic  imaginor,  fieri  novum  figmentum,  aut  novam  creaturam,  ut,  abolita  substantia  priore,  nova  succedat.  Voluntatem  enim  nominatim  commemoro,  sicut  homini  est  ab  initio  ingenita,  semper  manere:  in  habitu  igitur,  non  in  substantia,  esse  mutationem.  Per  eiusmodi  renovationem  cor  dico  aliud  fieri;  David  autem  cor  novum  creari.  Pighius  autem,  praefatus  se  ad  tam  dira  portenta  obstupescere,  multis  conviciis  me  persequitur  quod  dicam  mutari  substantiam.  Videre  nunc  est  quid  cerebri  habeat.  Ipse  autem  qualiter  interpretatur?  Longa  peccandi  consuetudine  inveteratum  cor  relinquere  lapideam  suam  duritiem  mollirique  oportere,  ut  sensibile  divinisque  impressionibus  aptum,  sequax  ac  ductile  fiat.  Merito  certe  hoc  contemptae  scripturae  praemium  refert,  ut  tam  fridigis  profanisque  interpretationibus  sacram  eius  maiestatem  corrumpat.  Verum  meminerimus,  quas  porci  calcant  margaritas,  nobis  et  singulari  veneratione  exosculandas,  et  summa  religione  custodiendas  esse.  Postquam  Dominus,  expositis"  suis  [pag.  204]  in  populum  collatis  beneficiis,  quam  pro  illis  ingratitudinem  reddiderat,  exprobravit  :  deinde  ad  poenitentiam  hortatus  est,  quae  est  legitima  ad  evangelii  gratiam  praeparatio,  liberationem  demum  ex  captivitate  babylonica  promittit;  simul  ab  externo  typo  transit  ad  veritatem.  Nam  quod  populus  a  babylonica  tyrannide  solutus,  in  terram  promissam  reducitur,  illud  tenue  beneficium  est,  praeut  est  illa  inaestimabilis  gratia,  qua  a  peccati,  Satanae  et  mortis  servitute,  spiritu  Dei  in  liberum  iustitiae  statum  asseritur.  Hanc  gratiam  exhibere  coepit  populo  israelitico,  quum  ab  exsilio  babylonico  manu  sua  emissum  ad  urbem  et  templum  reduxisset;  plenius  vero  et  locupletius  sub  regno  Christi  in  universas  gentes  effudit.  Ostendit  autem  illic,  nihilo  magis  exhortationibus  ac  doctrina  profici  apud  homines,  quam  si  lapidibus  loqueretur,  donec  duritiem  cordis  eorum,  hoc  est,  contumaciam  emolliat.  Quod  enim  facturum  se  promittit,  ad  suam  unius  potestatem  transfert.  Alioqui  ut  eius  promissa  compleantur,  non  in  ipsius,  sed  hominum  erit  potestate,  inquit  Augustinus.l)  Prorsus  ergo  hic  gratiae  et  naturae  fit  comparatio.  Cordis  enim  lapidei  durities,  non  aliud  quam  inimicitiam  carnis  adversus  Deum  significat:  qua  non  exiguus  hominum  numerus,  sed  totum  genus  laborare  dicitur.  Hanc  non  nisi  a  se  ipso  subigi  testatur  Deus  :  et  in  quem  finem?  Non  ut  possint  ambulare  in  recta  via,  sicut  Pighius,  ad  extenuandam  gratiae  laudem,  comminiscitur,  sed  prorsus  ut  ambulent.  Quum  facturum  se  dicit  Dominus,  ut  in  praeceptis  suis  ambulemus,  non  cor  tantum  flexile  in  utramque  partem  1)  De  praedest  sanctorum  c.  10