54:379  379  SERMON  I  380  testeront  a  pleine  bouche  d'estre  grans  fideles,  quand  on  voudra  les  instruire,  et  qu'on  ne  leur  souffrira  point  de  continuer  en  leurs  vices,  ils  se  declareront  ennemis,  ou  bien  ils  se  pervertiront,  en  sorte  qu'ils  perdront  goust  et  saveur  de  la  doctrine  de  Dieu:  et  les  autres  se  mettront  en  leur  rage  pour  despiter  tout,  et  ne  demanderont  sinon  que  tout  aille  en  confusion,  afin  d'avoir  la  vogue  tousiours  avec  leurs  enormi  tez:  quand  donc  nous  voyons  cela,  notons  bien  que  non  sans  cause  le  sainct  Esprit  a  pourveu  a  telles  maladies,  et  nous  y  a  donne  remede,  afin  qu'un  chacun  pour  soy  apprene  a  s'assuiettir  doucement  et  en  toute  humilite  a  la  parole  de  Dieu:  et  quand  nous  verrons  ces  rebelles  et  gaudisseurs  qui  s'elevent,  qui  ne  demandent  sinon  a  nous  picquer,  et  a  nous  tourmenter,  que  nous  les  detestions  comme  pestes,  que  cela  soit  reprime:  et  si  nous  voulons  que  Dieu  nous  tiene  en  possession  du  thresor  de  son  Evangile,  que  de  nostre  coste  nous  ne  nous  meslions  point  avec  ceux  qui  demandent  que  tout  soit  dissipe,  que  le  troupeau  de  nostre  Seigneur  Iesus  Christ  soit  esgare,  et  que  l'edifice  de  Dieu  soit  ruine  entre  nous.  Finalement,  puis  qu'auiourd'huy  le  monde  est  adonne  a  folles  curiositez  autant  qu'il  fut  iamais,  que  nous  retenions  tant  mieux  ce  qui  nous  est  ici  declare  par  sainct  Paul,  c'est  ascavoir  que  quand  nous  lisons  la  parole  de  Dieu,  quand  nous  venons  au  sermon,  que  ce  ne  soit  a  autre  fin,  sinon  pour  estre  instruits  en  bonne  doctrine,  c'est  a  dire  qui  soit  utile  pour  nostre  salut:  que  nous  profitions  de  plus  en  plus  en  la  foy  de  nostre  Seigneur  Iesus  Christ,  pour  estre  asseurez  du  salut  qu'il  nous  a  acquis,  et  nous  appuyer  sur  la  grace  qu'il  nous  a  apportee,  que  nous  puissions  invoquer  Dieu  purement  et  sans  feintise,  que  nous  regardions  tousiours  a  l'heritage  celeste,  que  nous  scachions  quelle  est  la  volonte  de  nostre  Dieu,  afin  de  n'estre  point  tousiours  en  branle  et  en  doute,  mais  que  nous  allions  tousiours  nostre  chemin,  puis  qu'ainsi  est  que  Dieu  nous  approuve,  que  nous  adherions  purement  a  sa  parole.  Que  donc  nous  scachions  que  ceste  Epistre  nous  est  auiourd'huy  autant  necessaire  qu'elle  fut  iamais.  Or  venons  maintenant  a  ce  qui  est  ici  contenu.  En  premier  lieu  sainct  Paul  se  nomme  Serviteur  de  Dieu,  et  Apostre  de  Iesus  Christ.  Or  ce  mot  de  Serviteur  en  ce  passage  ne  comprend  pas  seulement  une  suiettion  (comme  il  faut  bien  que  nous  soyons  tous  au  service  de  nostre  Dieu,  puis  qu'il  luy  plaist  de  nous  accepter),  mais  sainct  Paul  note  ici  et  marque  l'office  special  qui  luy  estoit  commis.  Il  y  a  donc  difference  entre  Suiet  et  Serviteur.  Car  tout  un  peuple  sera  suiet  au  Prince,  ou  a  la  seigneurie  sous  laquelle  il  vit  :  mais  ce  sont  les  officiers  qui  ont  charge  publique.  Ainsi  donc  sainct  Paul  outre  ce  qu'il  estoit  de  la  compagnie  des  Chrestiens