52:379  379  EPIST.  PAULI  AD  TIMOTHEUM  II  380  deteriores,  sed  nihil  aliis  nocituros.  Nominatim  siquidem  addit,  errantes,  et  in  errorem  mittentes.  Et  sane  id  ipsum  comprobat  experientia.  Verius  est  itaque,  Paulum  diversos  habuisse  respectus.  Nam  quod  profecturos  negat,  non  est  generale:  sed  tantum  intelligit  Dominum  patefacturum  ipsorum  amentiam  multis,  quos  suis  praestigiis  initio  deceperant.  Itaque  ubi  dicit,  omnibus  fore  manifestam  eorum  amentiam,  est  synecdoche.  Et  certe  qui  maxime  ad  fallendum  valent,  initio  quidem  proiiciunt  magnas  ampullas,  magnos  plausus  excitant,  denique  nihil  non  videntur  facturi:  sed  mox  evanescunt  eorum  offuciae.  Aperit  enim  Dominus  oculos  multis,  ut  cernere  incipiant  quod  eos  paulisper  latuit.  Nunquam  tamen  eousque  detegitur  stultitia  pseudoprophetarum,  ut  omnibus  innotescat.  Deinde  nunquam  profligatus  est  unus  error,  quin  subinde  novi  emergant.  Ergo  utraque  admonitio  necessaria  est,  ne  despondeant  animum  pii  pastores,  quasi  frustra  cum  erroribus  bellum  gererent:  docendi  sunt  de  prospero  successu,  quem  Dominus  suae  doctrinae  dabit.  Sed  ne  rursus  perfunctos  se  putent  uno  aut  altero  proelio,  admonendi  sunt  novam  semper  militandi  materiam  fore.  Sed  de  hoc  secundo  posterius.  ID  praesentia  hoc  nobis  sufficiat,  proponi  certam  spem  felicis  exitus  Timotheo,  quo  sit  ad  pugnandum  animosior.  Atque  id  confirmat  eodem  quod  citaverat  exemplo.  Nam  sicuti  praevaluit  Dei  veritas  contra  imposturas  magorum,  ita  victricem  fore  evangelii  doctrinam  promittit  contra  quaelibet  nova  figmenta.  10.  Tu  autem  assectatus.  Hoc  quoque  argumento  utitur  ad  incitandum  Timotheum,  quod  non  rudis  et  imperitus  tyro  in  arenam  prodeat:  utpote  quem  Paulus  ipse  sua  disciplina  diu  formaverit.  Nec  tantum  de  doctrina  agitur:  nam  quae  simul  commemorat,  non  parum  addunt  ponderis:  adeoque  vivam  boni  doctoris  imaginem  nobis  depingit  hac  sententia:  nempe  qui  non  oratione  modo  formet  ac  instituat  suos  discipulos,  sed  pectus  quoque  suum  quodammodo  illis  aperiat,  ut  intelligant,  ex  animo  ipsum  docere  quae  docet.  Atque  hoc  significat  nomen  propositi.  Addit  etiam  experimenta  alia  serii  et  minime  ficti  affectus.  Ut  sunt  fides  dilectio,  tolerantia,  patientia.  Talibus  rudimentis  imbutus  fuerat  Timotheus  sub  Pauli  magisterio.  Quam  quam  non  tantum  in  memoriam  revocat  quae  abs  se  didicerit:  sed  testimonium  illi  reddit  superioris  vitae,  ut  hoc  modo  ad  perseverantiam  incitet.  Laudat  enim  tanquam  suarum  virtutum  imitatorem.  Ac  si  diceret:  Iampridem  assuefactus  es  ad  mea  instituta:  perge  modo  qua  coepisti.  Vult  tamen  ut  fidei,  dilectionis  et  patientiae  suae  exemplum  semper  versetur  ante  oculos  Timothei:  et  ideo  eas  maxime  persequutiones  commemorat,  quae  illi  magis  notae  erant.  11.  Sed  ex  omnibus.  Consolatio,  qua  temperat,