49:379  379  EPIST.  PAULI  AD  CORINTHIOS  I  380  tunique  esse.  Hinc  colligere  promptum  est,  officium  cuiusque  ecclesiae  esse,  lugere  singulorum  membrorum  peccata,  tanquam  domesticas  calamitates  quae  ad  totum  corpus  pertineant.  Et  certe  hoc  piae  iustaeque  correctionis  initium  est,  mali  displicentia  ad  sanctum  zelum  accendi',  quia  alioqui  amarulenta  erit  severitas.  Ut  e  medio  vestri  removeatur.  Hic  iam  clarius  exprimit  quid  in  Corinthiis  accuset:  nempe  ignaviam,  quod  ad  tantam  abominationem  conniverent.  Unde  etiam  apparet,  hac  potestate  praeditas  esse  ecclesias,  ut  si  quid  est  intus  vitii,  disciplinae  severitate  corrigant  vel  eiiciant:  neque  posse  excusari,  quae  non  advigilant  ut  a  sordibus  repurgentur.  Damnat  enim  hic  Corinthios  Paulus.  Cur?  quod  in  puniendo  unius  scelere  fuerint  negligentes.  Atqui  immerito  reos  ageret,  si  deficeret  eos  facultas.  Excommunicationis  ergo  potestas  hoc  loco  stabilitur.  Rursum  ut  haec  animadversionis  ratio  ecclesiis  data  est  in  manum,  ita  quae  non  utuntur,  dum  res  postulat,  eas  peccare  hic  ostendit  Paulus.  Alioqui  enim  iniquus  foret  Corinthiis,  vitium  illis  hoc  imputando.  3.  Ego  quidem  certe.  Quia  deerant  officio  suo  Corinthii,  postquam  eorum  socordiam  damnavit,  nunc  quid  faciendum  sit,  docet:  nempe  ut  haec  macula  deleatur,  exterminandum  esse  incestum  illum  a  fidelium  contubernio.  Remedium  ergo  morbi  praescribit,  excommunicationem,  quam  tam  diu  differendo,  peccaverant.  Quod  dicit  se  corpore  absentem  iam  illud  decrevisse,  in  eo  Corinthiorum  ignaviam  gravius  accusat:  subest  enim  tacita  antithesis,  acsi  diceret:  Vos,  qui  praesentes  estis,  debueratis  pridem  huic  morbo  mederi,  ante  quorum  oculos  assidue  versatur:  desidetis  tamen:  ego  vero  ne  absens  quidem  ferre  possum.  Ne  tamen  obstreperet  quispiam,  in  tanta  locorum  distantia  temere  ex  rumoribus  iudicium  ferre,  spiritu  se  praesentem  asserit,  significans,  non  minus  sibi  constare  officii  rationem  quam  si  coram  adesset,  ac  rem  cerneret  oculis.  Iam  de  modo  excommunicationis  quid  doceat,  videre  operae  pretium  est1).  4.  Congregatis  vobis  et  spiritu  meo.  Hoc  est,  congregatis  mecum,  sed  in  spiritu:  quoniam  corpore  in  unum  convenire  non  poterant.  Hoc  tamen  perinde  fore  testatur  ac  si  palam  adesset.  Animadvertendum  quod  Paulus,  quamvis  apostolus  foret,  non  pro  sua  libidine  excommunicat  solus:  sed  consilium  cum  ecclesia  participat,  ut  communi  autoritate  res  agatur.  Praeit  quidem  ipse,  viamque  demonstrat:  sed  dum  alios  sibi  adiungit  socios,*  satis  significat,  non  esse  privatam  unius  hominis  potestatem.  Quoniam  autem  multitudo,  nisi  consilio  regatur,  nihil  unquam  moderate  nec  graviter  agit:  erat  in  veteri  ecclesia  ordinatum  presbyterium,  hoc  est,  collegium  seniorum,  cuius,  omnium  consensu,  prima  erat  cognitio:  inde  J)  videmus