47:379  379  IN  EVANGELIUM  IOANNIS  380  affectu  statim  mortem  pro  ipsis  obiturus  erat,  nunc  commendat  eorum  salutem.  Prima  autem  ratio  commendandi  est,  quod  doctrinam  amplexi  sunt,  quae  homines  efficit  vere  Dei  filios.  Non  defuit  quidem  Christo  fides  et  diligentia,  qua  omnes  ad  Deum  vocaret,  sed  in  electis  tantum  utilis  et  efficax  fuit  eius  labor.  Communis  omnibus  fuit  eius  praedicatio,  quae  Dei  nomen  manifestabat,  nec  destitit  etiam  apud  obstinatos  gloriam  eius  asserere.  Cur  ergo  se  paucis  tantum  manifestasse  dicit,  nisi  quia  soli  electi  spiritu  intus  docente  proficiunt?  Collige  ergo,  non  omnes  quibus  proponitur  doctrina  vere  et  efficaciter  doceri,  sed  quorum  mentes  illuminantur.  Causam  electioni  Dei  Christus  assignat,  quia  non  aliud  discrimen  ponit,  cur  aliis  praeteritis  manifestaverit  quibusdam  patris  nomen,  nisi  quia  sibi  dati  erant.  Unde  sequitur,  fidem  ex  externa  Dei  praedestinatione  manare,  et  ideo  non  omnibus  promiscue  dari,  quia  non  omnes  ad  Christum  pertinent*  Quum  additi  tui  erant  et  eos  mihi  dedisti  j  primum  his  verbis  notatur  electionis  aeternitas,  deinde,  quomodo  a  nobis  consideranda  sit.  Declarat  Christus  Dei  semper  fuisse  electos.  Eos  ergo  Deus  a  reprobis  discernit  non  fide,  aut  ullo  merito,  sed  mera  gratia:  quia  dum  maxime  ab  ipso  alieni  sunt,  pro  suis  tamen  in  arcano  consilio  reputat.  Certitudo  in  eo  consistit,  quod  filio  tradit  in  custodiam  quoscunque  elegit,  ne  pereant:  et  huc  coniicere  oculos  oportet,  ut  certo  teneamus,  nos  esse  ex  ordine  filiorum  Dei:  nam  in  se  abscondita  est  Dei  praedestinatio,  in  solo  autem  Christo  nobis  patefit.  Sermonem  tuum  servaverunt.  Hic  tertius  est  gradus.  Primus  enim  est  electio  gratuita:  secundus  autem  donatio  illa,  qua  transimus  in  Christi  tutelam.  Recepti  a  Christo  per  fidem  in  ovile  aggregamur:  reprobis  effluit  sermo  Dei,  sed  apud  electos  radicem  agit,  unde  servare  eum  dicuntur.  7.  Nunc  noverunt.  Hic  exprimitur  quod  in  fide  praecipuum  est,  dum  ita  in  Christum  creditur,  ut  fides  non  subsistat  in  carnis  adspectu,  sed  divinam  eius  virtutem  concipiat.  Quum  enim  dicit:  Noverunt  abs  te  esse  quaecunque  mihi  dedisti,  intelligit,  fideles  quidquid  habent  sentire  coeleste  esse  ac  divinum.  .Et  certe  nisi  Deum  apprehendimus  in  Christo,  perpetuo  nos  vacillare  necesse  erit.  8.  Et  ipsi  acceperunt.  Exprimit  modum  huius  notitiae:  quia  traditam  ab  ipso  doctrinam  receperint.  Sed  ne  quis  doctrinam  eius  putaret  humanam  esse  vel  in  terra  natam,  Deus  eius  autorem  esse  profitetur,  quum  dicit,  verba  quae  dedisti  mihi,  dedi  eis.  Loquitur  autem  suo  more  in  mediatoris  vel  ministri  persona,  quum  dicit  se  tantum  docuisse,  quod  a  patre  acceperat.  Nam  quia  humilis  adhuc  erat  ipsius  in  carne  conditio,  et  sub  forma  servi  divina  eius  latebat  maiestas,  Deum  potius  sub  patris  persona  designat.  Interea  tenendum  est  quod  initio