41:379  379  SERMON  VI.  380  poursuivre,  que  nous  ne  rendions  point  le  mal.  Contentons  nous  que  Dieu  nous  approuve,  et  remettons-  nous  a  son  iugement  :  car  c'est  luy  qui  est  nostre  iuge,  et  de  ceux  aussi  qui  nous  calomnient,  voila  ce  que  nous  avons  a  noter  du  coste  de  Daniel.  Cependant  ceci  merite  bien  aussi  d'estre  pese,  qu'en  un  tel  estat  il  chemine  si  entierement,  qu'on  ne  trouve  nulle  occasion  contre  luy:  cela  est  bien  difficile.  Regardons  un  peu  ceux  qui  sont  auiourd'hui  en  charge  publique,  comment  ils  s'y  portent.  Il  y  ha  un  proverbe  ancien,  que  les  dignites  monstrent  quels  sont  les  hommes.  Quand  un  homme  sera  en  son  prive,  a  grand'  peine  pourra  on  connoistre  quel  il  est,  mais  s'il  est  une  fois  esleve  en  dignite,  on  connoistra  s'il  y  ha  quelque  vice  en  luy,  la  raison?  Celuy  qui  est  ainsi  en  honneur,  chacun  ha  l'oeil  sur  luy,  on  le  connoist  de  loing,  ou  auparavant  on  ne  le  connoissoit  pas:  ainsi  quand  il  y  aura  du  mal,  et  quelque  vice  cache,  il  sera  descouvert,  d'autre  part  il  y  aura  des  tentations  grandes.  Si  un  homme  ha  seulement  une  maison  a  gouverner,  et  bien  il  ne  sera  point  assailli  de  grandes  tentations,  mais  ceux  qui  sont  en  charge  publique,  qui  ont  de  grandes  choses,  et  de  consequence,  a  conduire  et  gouverner,  seront  assaillis  de  tous  costes,  et  puis  on  se  voudra  aider  et  servir  d'eux  pour  faveurs,  pour  trahisons,  et  autres  choses,  on  leur  voudra  faire  des  requestes  iniustes  et  illicites,  qu'ils  seront  tous  esbahis,  qu'ils  se  trouveront  surprins,  sans  qu'ils  y  aient  pense,  bref,  on  voit  qu'il  y  ha  de  terribles  tentations,  pour  ceux  qui  sont  ainsi  en  grande  charge,  et  d'autant  plus  avons  nous  a  priser  Daniel,  quand  il  dit  qu'aiant  ce  gouvernement,  voire  sur  une  si  grande  monarchie,  car  voila  six  vingts  gouverneurs  qui  sont  establis  par  le  Roy  Darius,  et  trois  qui  ont  preeminence  sur  tout  le  reste,  et  sur  les  trois  est  Daniel.  Voici  donc  un  grand  gouverneur,  voire  comme  un  Roy  de  Chaldee  et  d'Assirie,  et  toutesfois  il  chemine  en  telle  sorte,  que  quand  on  l'aguette  de  tous  costes,  on  ne  trouve  que  redire  en  luy.  Nous  voions  donc  les  deux  choses  que  i'ay  touchees,  c'est  a.  scavoir  que  Daniel  n'appete  pas  une  telle  charge,  et  ne  le  cerche  point  pour  estre  prise  des  hommes.  Pourquoy?  il  voit  la  malice  et  ingratitude  du  monde,  et  cependant  il  ne  laisse  point  de  poursuivre,  voire  d'autant  qu'il  veut  servir  a  Dieu,  et  qu'il  connoist  que  de  tout  ce  qu'il  aura  fait  en  cet  estat  la,  qu'une  fois  il  aura  a  en  rendre  compte  devant  le  grand  Iuge  celeste,  et  cependant  nous  voions  aussi  comme  il  est  conduit  de  l'esprit  de  Dieu,  quand  il  resiste  ainsi  a  toutes  les  tentations  qui  luy  pouvoient  avenir,  car  il  n'y  ha  nulle  doute  qu'en  un  tel  estat  il  ne  peust  faire  beaucoup  de  choses,  qui  n'eussent  este  gueres  bien  faites,  et  toutesfois  il  chemine