20:379  379  EPISTOLAE  4144-4146  380  operam  omnino  desiderent,  non  possum  intempestive  deserere  susceptum  officium.  Mirum  est  quas  indentidem  difficultates  ingerat  Satan  ut  interturbet  pia  consilia.  Sed  perrumpit  omnes  obices  bene  obfirmatus  animus.  Interim  ingratae  morae  taedium  fallimus  vestrae  consuetudinis,  cui  me  totum  devovi,  gratissima  recordatione,  et  de  ecclesia  sollicito  nunquam  non  occurrit  tui  memoria,  quae  vel  in  media  historiarum  veterum  lectione  nostris  oculis  observatur.  4)  Incidi  hisce  diebus  in  tempora  Romanorum  tui  nominis  consulem.  Hic  ego  intuebar  morientem  tuum  Nehemiam  et  captam  urbem  sanctam,  deinde  conditiones  pacis  caudinae  contemplabar.  Perterruerunt  pavidos  animos  haec  tristia  omina.  Sed  perterrefactum  consolabantur  alia  deinde  tempora  aliorum  tui  nominis  eiusdemque  gentis  consulum.  Hic  enim  vidi  Hircanum  ducem  fortissimum  et  sanctissimum  subvertentem  templum  illud  profanum  quod  impius  Pontifex  Manasses,  ab  ipso  quondam  Nehemia  fugatus  erexerat.  Vidi  postea  alium  quendam  Hircanum  sacerdotem  summum  instaurantem  muros  Hierosolymitanos.  Vidi  iisdem  annis  interemptum  illum  sceleratum  et  seditiosum  Olodium  qui  omnia  sacra  polluerat  quum  sub  veste  matronali  delitesceret.  Hic  ego  quid  cogitem,  quid  suspirem,  quid  a  te  petam,  facile  potes  coniicere.  Ne  tamen  prorsus  his  curis  intabescamus,  interdum  sacris  studiis  profana,  seriis  ludicra  miscemus.  Certo  amicorum  hortatu,  quum  hic  desides  et  otiosi  feriaremur,  coacti  sumus  recognoscere  quandam  civilium  nostrorum  studiorum  farraginem  cuius  specimen  quod  in  gratiam  ingenuae  iuventutis  edidimus  nunc  ad  te  mitto.5)  Exspectamus  in  horas  reditum  Claudii  qui  captivum  Petrum  consolatur.  Quae  hic  praeterea  gerantur,  audies  ex  hoc  tabellario.  Tristiora  sunt  omnia  quam  ut  a  me  perscribi  possint.  Audimus  Antiochum  per  medium  Argentoratum  properare  Ratisbonam.  Quam  metuo  ne  totum  rursus  conventum  fallat  et  suis  praestigiis  imponat  piis  heroibus.  Utinam  vel  icti  sapiant  Phryges.  De  negotiis  nostri  Gallasii  ex  ipso  intelliges  omnia.  Quod  ad  nos  attinet,  obsecro,  mi  pater,  dispice  tenuem  aliquam  istic  functionem  quae  hanc  aetatem,  ne  otio  elanguescat,  aliquando  exerceat  et  occupet.  Quidquid  de  nobis  statueris  non  poterit  non  esse  gratissimum  nec  deero  vocationi.  Vale.  Idibus  Aprilis.  Tuus  tibi  addictissimus  B.  Incidit  nuper  disputatio  in  coetu  doctorum  virorum  de  illo  ad  Corinthios  dicto  Pauli:  Dei  4)  sic.  5)  Anno  1546  Balduinus  suis  Commentariis  turis,  qui  eo  ipso  anno  prodierunt,  operam  navaverat.  (Biga  I  I)