8:378  sur  cela  recognoistre  le  bien  inestimable  qu'il  nous  a  faict,  en  nous  retirant  d'une  telle  fange  ou  nous  estions  plongez.  Car  nous  ne  pouvons  pas  trop  magnifier  une  telle  [f.  5]  grace.  Et  pource  que  nous  ne  scavons  pas  ce  qui  nous  peut  advenir,  ni  a  quoy  Dieu  nous  reserve,  il  est  bon  que  nous  soyons  premunis  d'heure,  a  fin  qu'en  quelque  lieu  que  nous  venions,  ou  de  quelques  tentations  que  nous  soyons  assaillis,  nous  ne  declinions  point  de  la  pure  parolle  de  Dieu.  Il  y  en  peut  avoir  plusieurs  en  la  compagnie  qui  ont  a  faire  voyages  au  pais  des  Papistes.  Ceulx-la,  estans  au  combat,  ont  besoing  d'estre  armez.  D'autre  part,  si  Dieu  nous  donne  auiourd'huy  liberte  de  le  servir  purement,  nous  ne  scavons  pour  combien  c'est.  Prenons  donc  le  temps  auquel  nous  sommes  en  repos,  non  pas  comme  s'il  nous  debvoit  tousiours  durer,  mais  comme  une  treve  en  laquelle  Dieu  nous  donne  loisir  de  nous  fortifier,  a  fin  qu'estans  appelez  a  faire  confession  de  nostre  foy,  nous  n'y  soyons  point  nouveaux  par  faulte  d'y  avoir  pense  en  temps  opportun.  Cependant,  nous  avons  aussi  a  penser  a  nos  povres  freres  qui  sont  soubs  la  tyrannie  de  l'Antechrist,  a  fin  d'avoir  pitie  d'eulx,  et  prier  Dieu  qu'il  les  fortifie  en  telle  constance  qu'il  la  demande  par  sa  parolle.  Puis  aussi  nous  avons  a  les  solliciter,  a  fin  qu'ils  ne  s'endorment  et  ne  se  flatent  point,  mais  plustost  qu'ayans  cogneu  leur  debvoir,  ils  s'efforcent  a  donner  gloire  a  Dieu.  Car  ce  n'est  pas  seulement  pour  nous  que  nous  sommes  enseignez,,  mais  a  fin  que  chascun,  selon  la  mesure  de  sa  foy,  departisse  a  ses  prochains  de  ce  qui  luy  a  este  monstre  en  l'eschole  de  Dieu.  Nous  voyons  doncques  qu'il  est  utile,  voire  necessaire  tant  pour  nous  que  pour  nos  freres,  que  la  memoire  de  ceste  doctrine  nous  soit  souvent  refreschie.  Et  sur  tout  quand  le  texte  que  nous