7:378  loquuntur,  sacerdotum  ac  principum,  atque  ipsius  populi  peccata  sunt  colligata:  ut  difficile  sit  de  unius  ordinis  peccatis  inquirere,  quin  reliquorum  simul  ordinum  peccata  appareant  Sic  vero  omnes  ordines  una  orationis  serie  accusans,  in  veteri  populo  dicit  Ezechiel,  in  persona  Dei:  Sacerdotes  eius  contempserunt  legem  meam,  et  polluerunt  sanctuaria  mea:  inter  sacrum  et  profanum  non  habuerunt  distantiam.  Principes  eius  in  medio  illius  quasi  lupi  rapientes  praedam  ad  effundendum  sanguinem,  ad  perdendas  animas,  et  avare  sectanda  lucra.  Populi  terrae  calumniabantur  calumniam,  [pag.  26]  Haec  ille:  quae  utinam  ad  illa  solum  tempora  pertinerent,  ac  non  nostri  quoque  temporis  imaginem  referrent  Utinam  quum  de  corruptela  morum  sacerdotum  loquimur,  huic  maximam  occasionem,  maximam  materiam,  et  autoritatem  ipsos  Principes,  atque  ipsum  populum  dedisse  negare  possemus.  Sed  reprimamus  nunc  verba  usque  ad  tempus  magis  opportunum,  fontes  autem  communium  lacrymarum  aperiamus.  Bedeamus  vero  ad  eos,  quos  coepimus  admonendos,  praesertim  episcopos,  qui  cum  mandatis  Principum  huc  venerunt  Sic  vero  illos  admonemus,  ut  omni  qua  possunt  fide  et  diligentia  suis  Principibus  serviant:  verum,  ut  episcopos  decet,  sic  illis  serviant,  ut  servi  Dei,  non  ut  servi  hominum.  Nolite,  inquit  Apostolus,  servi  hominum  esse.  Primum  vero  serviant  uni  regi  Christo,  cui  Deus  pater  omnem  potestatem  dedit:  deinde  vero,  propter  eum,  omnibus,  maxime  autem  Principibus:  cui  honorem,  honorem:  [pag.  27]  cui  tributum,  tributum.  Hortamur  autem,  ut  Principibus  serviant  ad  honorem,  quemadmodum  eorum  mandata  verbis  ipsis  prae  se  ferunt:  in  quibus  nihil  fere  nisi  honorificum,  et  ad  publicam  utilitatem  spectans,  proponitur.  Sic  vero  in  summa  serviant,  ut  eorum  officium  in  primis  spectet  ad  honorem  Dei  et  utilitatem  huius  Concilii,  quod  propter  publicum  bonum  est  convocatum.  Quare,  ut  ab  hoo  maxime  dehortamur  omnes,  qui  hic  sententias  coram  Deo  et  angelis  eius,  atque  coram  universa  Ecclesia  sumus  dicturi,  ne  ad  gratiam  hominis  alicuius  loquamur:  sic  etiam  multo  magis,  ne  ad  odium  cuiusquam  sententiam  proferamus,  etiamsi  contra  nos  adversarii,  vel  inimici  et  hostis  personam  gerat:  denique,  ut  ab  omni  inter  nos  contentione  abstineamus,  maxime  optamus,  et  in  Domino  hortamur.  Hae  enim  sunt,  quae  contristant  et  repellunt  quem  invocavimus  Spiritum  sanctum,  sine  quo  nihil  omnino  facere  poterimus,  quod  ad  [pag.  28]  bonum  et  pacem  Ecclesiae  cedat  Quum  enim,  inquit  Apostolus,  sint  inter  vos  contentiones,  nonne  homines  estis,  et  secundum  hominem  ambulatis?  Quum  vero  homines  eos  appellat,  spiritus  Dei  expertes  intelligit  In  omnibus  autem,  quae  ad  reformationem  Ecclesiae  pertinent,  ob  quam  causam  convenimus,  imitari  nos  oportet  illum,  qui  eam  primum  formavit,  de  quo  ad  ipsum  opus  ingrediente  sic  in  persona  Dei  propheta  loquitur:  Ecce  servus  meus