52:378  cupiditates^  dum  nihil  habentes  apud  se  compositum,  huc  et  illuc  fluctuantur.  Discunt,  inquam,  ut  sunt  curiosae,  deinde  animo  inquieto:  sed  ita  ut  nihil  unquam  certi  nec  veri  assequantur.  Hoc  autem  praeposterum  est  studium,  cui  non  respondet  scientia.  Quamquam  videntur  sibi  tales  egregie  sapere:  sed  nihil  est  quod  sciunt,  dum  veritatem  non  tenent,  quae  fundamentum  est  omnis  scientiae.  8.  Quemadmodum  autem  Iannes  et  Iambres  restiterunt  Mosi,  ita  et  hi  resistunt  veritatis  homines  corrupti  mente,  reprobi  circa  fidem.  9.  Sed  non  proficient  amplius:  amentia  enim  eorum  manifesta  erit  omnibus,  sicut  et  illorum  fuit.  10.  Tu  autem  assectatus  es  meam  doctrinam,  institutionem,  propositum,  fidem,  tolerantiam,  dilectionem,  patientiam,  ll.  persequutiones,  afflictiones  quae  mihi  acciderunt  Antiochiae,  Iconii,  Lystris:  quas  inquam  persequutiones  sustinuerim:  sed  ex  omnibus  eripuit  me  Dominus.  12.  Et  omnes  qui  pie  volunt  in  Christo  Iesu  vivere,  persequutionem  patientur.  8.  Quemadmodum  Iannes.  Haec  comparatio  confirmat  quod  iam  prius  dixi  de  novissimis  temporibus.  Significat  enim  idem  nobis  accidere  sub  evangelio,  quod  experta  est  ecclesia  fere  a  prima  sua  origine:  saltem  ex  quo  lex  publicata  fuit.  Quemadmodum  etiam  de  perpetuis  ecclesiae  certaminibus  psalmus  (129,1)  disserit,  Saepe  oppugnarunt  me  a  iuventute  mea,  dicat  nunc  Israel,  supra  dorsum  meum  araverunt  impii,  protaxerunt  sulcos  suos:  proinde  non  mirum  esse  admonet  Paulus,  si  exoriuntur  adversus  Christum  hostes  qui  resistant  evangelio,  quum  suos  antagonistas  similiter  habuerit  Moses.  Nam  haec  ultimae  vetustatis  exempla  non  parum  ad  consolationem  valent.  Porro  duos,  qui  nominantur,  magos  fuisse  a  Pharaone  subornatus,  satis  convenit.  Sed  unde  habuerit  Paulus  eorum  nomina,  incertum  est:  nisi  quod  probabile  est,  de  talibus  historiis  multa  fuisse  per  manus  tradita,  quae  Deus  nunquam  passus  fuisset  intercidere.  Et  fieri  potest  ut  Pauli  tempore  exstiterint  prophetarum  commentarii,  qui  uberius  narrarent  quae  breviter  tantum  perstringit  Moses.  Quidquid  sit,  non  temere  suis  nominibus  eos  appellat.  Duos  autem  ideo  fuisse  coniicere  licet,  quod  quum  Dominus  populo  suo  duos  duces  Mosem  et  Aaronem  excitasset:  totidem  Pharao  magos  opponere  illis  voluerit.  9.  Sed  non  proficient  amplius.  Fiducia  victoriae  Timotheum  animat  ad  certamen.  Nam  etsi  ei  molestiam  exhibeant  falsi  doctores,  promittit  fore,  et  quidem  brevi,  ut  ignominiose  concidant.  Quamquam  huic  promissioni  minime  eventus  respondet.  Et  videtur  apostolus  paulopost  aliud  longe  diversum  pronuntiare,  quum  dicit  in  peius  profecturos.  Nec  valet  Chrysostomi  solutio,  ipsos  in  dies  fore