49:378  gatam  proferre.  Nam  particulam  oXooc  sic  accipio,  ut  exprimat,  non  fuisse  dubium  rumorem,  sed  rem  manifestam  et  passim  cum  magno  offendiculo  publicatam.  Quia  tale  genus  scortationis  ne  inter  gentes  quidem  nominari  dicit,  quidam  eum  ad  incestum  Ruben  respexisse  putant,  qui  etiam  novercam  incestaverat.  Putant  ergo  Paulum  non  fecisse  mentionem  Israelis,  quod  tale  illic  probrum  accidisset.  Quasi  vero  non  multos  eiusdem  formae  incestus  referant  etiam  gentium  historiae.  Est  igitur  commentum  illud  alienum  prorsus  a  mente  Pauli:  nam  quod  gentes  potius  quam  Iudaeos  nominat,  eo  magis  sceleris  turpitudinem  amplificare  voluit.  Vos,  inquit,  flagitium  tanquam  rem  licitam  permittitis:  quod  ne  inter  gentes  quidem  toleraretur:  imo  quod  semper  horrori  fuit,  et  instar  portenti  habitum.  Quod  ergo  inter  gentes  audiri  negat,  eo  non  intelligit,  nihil  unquam  tale  exstitisse,  vel  in  historiis  non  referri,  de  quo  compositae  sunt  etiam  tragoediae:  sed  esse  gentibus  detestabile,  non  secus  ac  foedum  et  horrendum  monstrum.  Est  enim  belluina  libido,  quae  ipsum  quoque  naturae  pudorem  tollit.  Si  quispiam  quaerat  numquid  aequum  sit  exprobrari  omnibus  unius  hominis  peccatum:  respondeo,  non  accusari  Corinthios  quod  unus  apud  eos  peccasset,  sed  quod  flagitium  gravissima  ultione  dignum  connivendo  alerent,  quemadmodum  sequitur.  *  2.  Et  vos  inflati  estis.  Non  pudet  vos,  inquit,  gloriari  in  tanta  humilitatis  materia?  Ante  negaverat,  vel  in  summa  excellentia  gloriandum  esse,  quia  nihil  habeant  homines  proprium,  sed  sola  Dei  gratia  excellant:  nunc  autem  alia  eos  via  aggreditur.  Estis,  inquit,  cooperti  ignominia:  quis  ergo  superbiae  aut  elationi  locus?  Mira  enim  caecitas  est,  quasi  angelis  et  hominibus  invitis,  in  mediis  probris  gloriari.  Quum  dicit,  non  magis  luxistis,  argumentatur  a  contrario:  ubi  enim  luctus  est,  cessat  gloriatio.  Quaeri  potest  curnam  lugere  debuerint  alienum  peccatum.  Respondeo,  duas  esse  causas:  nam  et  propter  communionem  quae  inter  ecclesiae  membra  est,  affici  omnes  tam  exitiali  unius  lapsu  decuit:  et  quum  perpetratur  in  aliqua  ecclesia  tale  flagitium,  ita  reus  est  eius  autor,  ut  totus  coetus  quodammodo  polluatur.  Quemadmodum  enim  Deus  patrem  familias  in  uxoris  aut  liberorum  probro  humiliat,  et  totam  cognationem  in  unius  turpitudine:  ita  cogitare  debet  unaquaeque  ecclesia,  se  macula  dedecoris  adspergi  quoties  aliquod  apud  se  turpe  scelus*  perpetratur.  Quin  etiam  videmus  ut  propter  sacrilegium  unius  Achan  ira  Dei  in  totum  Israelem  exarserit:  non  quia  tam  crudelis  sit  Deus,  ut  propter  alienum  scelus  adversus  innocentes  saeviat:  sed  quemadmodum  quoties  tale  quid  in  uno  populo  accidit,  iam  quoddam  irae  eius  indicium  est:  ita  publica  privati  delicti  correetieae  declarat,  totum  corpus  mali  contagione  tactum  pollu-  27