32:378  meas.  Trita  enim  metaphora  est,  ventilari  quod  ex  tenebris  erutum  in  lucem  profertur.  Sequatur  ergo  quisque  quod  magis  placuerit.  Nam  alter  ille  sensus  quem  posui,  optime  respondet.  In  fine  versus  variant  etiam  interpretes.  Nam  quia  verbum  p  p  in  coniugatione  hiphil,  sicuti  hic  habetur,  significat  prosperum  reddere:  putant  quidam  gratias  agi  Deo,  quod  actionibus  det  felicem  successum.  Sed  quia  Davidi  aliud  propositum  est  quam  Dei  benedictionem  celebrare,  significatio  illa  nihil  ad  praesentem  locum.  Non  minus  enim  coactum  est  quod  alii  afferunt,  Fecisti  assuescere  vias  meas:  quasi  diceret  beneficium  Dei  esse,  quod  praeditus  sit  consilio.  Ego  igitur,  quanquam  sit  verbum  hiphil,  neutraliter  accipere  non  dubito:  hoc  sensu,  Domine  tu  assuevisti  viis  meis,  ut  tibi  familiariter  notae  essent.  4.  (Quia  nullus  sermo.)  Duplicem  sensum  admittunt  haec  verba  :  ideo  sic  resolvunt  quidam,  Domine,  antequam  sermo  in  lingua  mea  nascatur,  cognoscis  quid  dicturus  sim.  Alii  autem,  Quamvis  verbum  nullum  proferam,  sed  silentio  tegere  coner  mea  consilia,  nihil  te  prorsus  latet.  Quia  fere  eodem  redit  utraque  versio,  liberum  sit  hanc  vel  illam  eligere.  Summa  est,  quum  lingua  vocetur  inter  nos  character  mentis,  quia  loquendo  quisque  cum  proximis  suis  communicat:  Deum,  qui  cordium  est  cognitor,  non  opus  habere  sermone.  Et  demonstrativa  particula  ecce,  emphatice  addita  est:  ac  si  dixisset  profundissimos  mentis  recessus  adduci  in  rem  praesentem.  In  quinto  versu  legunt  multi,  Retro  et  ante  formasti  me:  sed  quum  "  ^  coarctare  saepe  significet,  non  dubito  quin  dicere  voluerit  David,  se  omni  ex  parte  circumdatum  et  conclusum  teneri  Dei  conspectu,  ut  frustra  effugere  conetur  quocunque  se  vertat.  Nam  qui  viam  sibi  obstructam  esse  videt,  reflectit  gradum.  David  autem  se  non  minus  a  tergo  quam  a  fronte  constrictum  teneri  dicit.  Ac  eodem  pertinet  secundum  membrum,  Posuisti  super  me  manum  tuam:  frigide  enim  ad  formationem  alii  trahunt  quod  Deus,  instar  opificis,  manum  applicuerit  ad  opus  suum  formandum:  nec  satis  attendunt  ad  contextum,  quare  multo  rectius  est,  Deum  quasi  iniecta  manu  cunctos  mortales  subiicere  oculis  suis,  ut  ne  transversam  quidem  lineam  deflectere  queant,  nisi  ipso  conscio.  6.  (Mirabilis  facta  est.)  Particulam  >isip  duobus  modis  accipere  licet:  nempe  quod  scientia  Dei  mirabilis  sit:  ex  hominis  creatione:  sicuti  veteri  proverbio  vocarunt  hominem  juxpoxoa|iov  :  quia  ubi  reputamus  quanto  artificio  compositum  sit  corpus  hominis,  et  quibus  dotibus  anima  excellat,  necesse  est  quasi  attonitos  rapi.  Sed  contextus  diversam  sententiam  exigit.  David  enim  prosequi  volens  quod  hactenus  dixit,  exclamat,  perperam  et  stulte  facere  qui  metiri  volunt  Dei  scientiam  suo  modulo,  quum  mirabiliter  supra  nos  emineat.  Quia