25:378  docent,  iurisiurandi  caeremoniam  esse.  Improprie  quidem  manum  suam  levare  dicitur  Deus,  qui  excelsus  est  super  omnes  coelos:  sed  novum  non  est  eum  formulas  mutuari  ex  communi  hominum  more  et  usu  :  praesertim  ubi  repente  in  sublime  exsurgit,  ex  quo  visus  est  aliquantisper  infra  suam  altitudinem  iacere.  Certe  quae  sequuntur  verba,  iuramentum  in  se  continent:  Vivo  ego  in  saeculum,  unde  probabile  est,  signum  iurantis  exprimi  in  elevatione  manus.  Porro  longe  alio  sensu  iurat  Deus  per  vitam  suam  quam  homines.  Interdum  quidem  sumit  e  medio  voces  nobis  tritas,  sicuti  quum  dicitur  iurare  per  animam  suam:  sed  hoc  loco  tantundem  valet:  Vivo  ego,  ac  si  iuraret  per  seipsum,  vel  aeternam  suam  essentiam.  41.  Si  acuero  aciem.  Conditio  rem  dubiam  vel  suspensam  non  reddit:  sed  resolvi  debet  in  adverbium  temporis:  quasi  diceret:  Simul  atque  arma  sumpserit,  certam  fore  hostium  stragem,  non  quod  armis  indigeat  Deus  ad  hostes  expugnandos:  sicuti  quum  addit  continuo  post:  Ubi  iudicium  apprehenderit  manus  mea,  non  significat  aliquando  sibi  eripi,  vel  elabi,  sed  praesentem  et  conspicuum  effectum  designat.  Quoniam  ergo  Deus  ubi  hostibus  suis  parcit,  videtur  quodammodo  abiectis  armis  quiescere,  et  cessare  ab  exsequendis  iudicis  partibus,  denunciat  arma  sibi  in  promptu  fore,  quibus  hostes  deleat,  deinde,  iudicium  quod  deposuisse  visus  est,  rursus  sibi  vendicaturum:  quibus  verbis  tacite  perstringit  stultam  eorum  securitatem  qui  emortuam  eius  virtutem  esse  fingunt,  nisi  palam  se  exserat,  et  iudicium  eius  evanuisse,  quum  differtur.  42.  Inebriabo.  Horrendam  stragem  his  verbis  depingit:  quasi  diceret,  nullum  vindictae  fore  modum,  donec  terra  sanguine  et  cadaveribus  referta  fuerit.  Alibi  etiam  gladius  Dei  sanguine  inebriari  dicitur,  sicuti  hic  sagittae,  ubi  grassatur  ira  eius  per  infinitas  caedes:  nunc  dicitur  vorare  carnem  eodem  sensu.  DIE  secundo  loco  vertunt  quidam:  Propter  sanguinem,  et  D  interdum,  fateor,  causalis  est  particula.  Intelligunt  ergo  hanc  fore  iustam  mercedem  crudelitatis,  quum  divinitus  excidentur  impii  qui  Israelitas  occiderint  vel  captivos  duxerint.  Sed  non  video  cur  una  dictio  diverso  sensu  exponi  debeat.  Non  dubito  igitur  secundo  repeti,  Deum  sagittas  suas  sanguine  inebriaturum.  Sanguinem  vero  dicit  tam  occisi  quam  captivitatis:  sicuti  dum  caeditur  exercitus,  alii  cadunt  in  acie,  alii  mutili  et  vulnerati  fugam  captant.  Clausula  versus  varie  torquetur:  quidam  caput  per  heterosim  numeri  pro  capitibus  exponunt:  quasi  dictum  esset:  Amputabo  hostium  capita.  Atqui  magis  probabile  es^et  metaphorice  exponere  de  ipsis  ducibus.  Rectius  tamen  alii  vertunt:  Principium:  non  quidem  temporis,  sed  quasi  diceret,  florem,  vel  excellentiam  multitudinis:  sicuti  vulgo  loquuntur:  De  primo  ad  ultimum.  Ultiones