8:377  SERMON  AUQUEL  TOUS  CHRESTIENS  SONT  EXHORTEZ  DE  FUIR  L'IDOLATRIE  EXTERIEURE,  SUR  LE  TROISIEME  VERSET  DU  PSEAULME  XVI:  Ie  ne  communiquer  ay  point  a  leurs  sacrifices  de  sang,  et  leurs  noms  ne  passer  ont  point  par  ma  bouche.  Nous  avons  yci  a  traicter  une  doctrine  assez  claire  et  facile,  moyennant  que  la  pluspart  de  ceulx  qui  se  disent  fideles  ne  cerchast  point  ie  ne  scay  quelles  subtilitez  pour  couvrir  son  mal.  La  somme  est,  qu'apres  avoir  cogneu  le  Dieu  vivant  pour  nostre  pere,  et  Iesus  Christ  pour  nostre  redempteur,  nous  debvons  dedier  corps  et  ame  a  celuy  qui  par  sa  bonte  infinie  nous  a  adoptez  pour  ses  enfans,  et  mettre  peine  a  faire  hommage  a  ce  bon  Sauveur  de  ce  qui  luy  a  couste  si  cher.  Et  pourtant,  que  nous  avons  non  seulement  a  renoncer  a  toute  infidelite,  mais  aussi  a  nous  separer  de  toutes  superstitions  qui  sont  contraires  tant  au  service  de  Dieu  qu'a  l'honneur  de  son  Fils,  et  lesquelles  ne  se  peuvent  accorder  avec  la  pure  doctrine  de  l'Evangile  et  la  vraye  confession  de  foy.  I'ay  dict  que  ceste  doctrine  est  assez  facile  de  soy,  et  qu'il  ne  resteroit  qu'a  la  bien  practiquer,  n'estoit  que  beaucoup  de  gens  cerchent  des  petites  cautelles  pour  n'estre  point  veus  coulpables  en  ce  qui  est  tant  et  plus  condamne  par  la  bouche  de  Dieu.  Cela  fait  que  nous  sommes  contraincts  de  nous  arrester  d'avantage  a  monstrer  ce  qui  en  est,  a  fin  que  chascun  cognoisse  quel  est  son  debvoir,  et  que  nul  ne  s'abuse,  cuidant  estre  eschappe  par  se  couvrir  d'un  sac  mouille.  Mais  pource  qu'aucuns  pensent  que  ce  soit  un  argument  superflu  quant  a  nous,  qui  avons,  par  la  grace  de  Dieu,  nos  Eglises  purgees  des  infections  et  idolatries  de  la  Papaulte:  devant  que  passer  oui  tre,  il  est  bon  de  monstrer  que  telles  gens  faillent  lourdement.  Car  en  premier  lieu,  quand  il  i^ous  est  monstre  quelle  offense  c'est  de  nous  polluer  avec  les  idolatres,  faisans  semblant  de  consentir  ou  adherer  a  leurs  impietez,  nous  sommes  advertis  de  gemir  pour  nos  faultes  passees,  et  en  demander  pardon  a  Dieu  avec  toute  humilite,  et