54:377  377  SERMONS  SUR  L'EPISTRE  A  TITE.  Chap.  I,  v.  1.4.  Ce  n'est  pas  d'auiourd'huy  que  beaucoup  de  malins  sous  ombre  d'estre  de  la  compagnie  des  Chrestiens,  taschent  et  machinent  tant  qu'ils  peuvent  a  troubler  Pordre  de  l'Eglise,  et  empescher  que  les  choses  bonnes  et  sainctes  n'ayent  leur  cours,  et  pervertissent  tout,  entant  qu'en  eux  est.  Nous  scavons  qu'une  Eglise  ne  peut  estre  maintenue  en  son  estat,  sinon  qu'il  y  ait  de  bons  Pasteurs  et  fideles.  Dieu  a  donne  une  bonne  reigle  et  certaine,  pour  les  elire  et  constituer.  Mais  cependant  beaucoup  ont  tasche  de  s'avancer  par  ambition,  par  meschantes  prattiquee,  voire  du  temps  des  Apostres,  quand  l'Evangile  aorisssoit  en  sa  droite  purete,  desia  ce  vice-la  regnoit,  comme  on  le  voit.  D'autre  part,  si  nous  voulons  cheminer  en  l'obeissance  de  Dieu,  il  faut  bien  que  la  doctrine  qui  se  porte,  ait  authorite  envers  nous,  et  que  ceux  qui  sont  commis  a  cela,  soyent  escoutez  avec  reverence.  Car  si  on  mesprise  les  Pasteurs,  par  consequent  la  Parole  sera  mesprisee,  et  mise  sous  le  pied.  Or  nous  voyons  comme  desia  du  temps  de  sainct  Paul  il  y  avoit  beaucoup  de  rebellions  et  de  murmures,  on  scavoit  bien  porter  les  seducteurs,  et  tousiours  ils  estoyent  les  bien  venus,  encores  qu'ils  imposassent  des  charges  et  fardeaux  bien  difficiles.  Mais  quand  ceux  qui  vouloyent  servir  loyaument  a  Dieu  s'acquittoyent  de  leur  devoir,  incontinent  il  y  avoit  sectes  dressees,  il  y  avoit  des  bandes  faites,  et  des  combats  tout  prests  pour  les  fascher  et  molester.  Et  c'est  a  quoy  sainct  Paul  a  pretendu  en  ceste  Epistre,  c'est  ascavoir  de  corriger  ceux  qui  vouloyent  pervertir  l'ordre  et  la  police  de  l'Eglise,  et  qui  ne  se  vouloyent  point  assuiettir  au  ioug,  estans  dociles  et  debonnaires  pour  recevoir  la  doctrine  qu'on  leur  preschoit.  D'autre  part,  pource  que  tousiours  il  y  a  eu  des  gens  volages,  qui  ont  demande  plustost  de  suivre  leur  curiosite,  que  d'estre  edifiez  par  bonne  doctrine,  sainct  Paul  coupe  broche  a  toutes  questions  frivoles,  et  qui  n'emportent  nul  fruict,  et  monstre  que  si  nous  voulons  estre  enseignez  selon  Dieu,  il  nous  faut  avoir  ce  but  de  mettre  nostre  fiance  en  luy,  pour  estre  confermez  a  l'invoquer  en  droite  fiance: