49:377  377  CAPUT  V.  378  amorem  hunc  declarat,  placide  et  amabiliter  eum  docendo,  dum  eius  peccatis  offensus  durioribus  verbis  eum  castigat,  vel  etiam  ferula,  irati  personam  induit.  Quoniam  igitur  latet  amor  quum  exseritur  disciplinae  severitas,  merito  Paulus  cum  spiritu  lenitatis  coniungit  caritatem.  Sunt  qui  virgam  pro  excommunicatione  hic  accipiunt:  ego  autem,  tametsi  illis  concedo  excommunicationem  esse  partem  huius  severitatis  quam  Paulus  Corinthiis  denuntiat  :  tamen  hanc  latius  extendo,  nempe  ut  duriores  omnes  reprehensiones  comprehendat.  Hic  observa  quis  ordo  bono  pastoris  tenendus  sit:  sponte  enim  ad  lenitatem  propensus  esse  debet,  ut  alliciat  potius  ad  Christum  quam  vi  trahat.  Hanc  lenitatem,  quoad  in  se  est,  retinere  debet,  nec  unquam  ad  amarulentiam  nisi  coactus  descendere.  Caeterum  ubi  opus  est,  virgae  parcere  non  debet:  nam  sicut  dociles  ac  voluntarii  placide  tractandi  sunt,  ita  in  praefractis  et  contumacibus  necessarium  usum  habet  asperitas.  Et  videmus  ut  verbum  Dei  non  simplicem  contineat  doctrinam,  sed  amaris  etiam  reprehensionibus  adspersum  sit,  ut  /erulam  pastoribus  suppeditet.  Fit  enim  saepe  populi  contumacia,  ut  qui  natura  mitissimi  sunt  pastores,  quasi  alienam  personam,  rigide  et  duriter  agendo,  induere  cogantur.  CAPUT  V.  1.  Omnino  auditur  in  vobis  scortatio,  et  talis  scortatio,  quae  ne  inter  gentes  quidem  nominatur,  ut  quis  uxorem  patris  habeat.  2.  Et  vos  inflati  estis,  ac  non  magis  luxistis,  ut  e  medio  vestri  removeretur  qui  facinus  hoc  admisit  3.  Ego  quidem  certe  tanquam  absens  corpore,  praesens  autem  spiritu,  iam  iudicavi  tanquam  praesens,  qui  hoc  ita  designavit,  4.  in  nomine  Domini  nostri  Iesu  Christi,  congregatis  vobis  et  spiritu  meo,  cum  potentia  Domini  nostri  Iesu  Christi,  eiusmodi,  inquam,  hominem,  5.  tradere  Satanae  in  exitium  carnis,  ut  spiritus  salvus  fiat  in  die  Domini  Iesu.  1.  Omnino  auditur,  ete.  Quoniam  illae  (sicuti  dictum  est)  contentiones  ex  arrogantia  et  nimia  confidentia  oriebantur,  opportune  transit  ad  commemorandos  eorum  morbos,  quorum  agnitione  humiliari  ipsos  decebat.  Primo  admonet  quantum  flagitium  sit,  quod  patiantur  unum  e  grege  suo  abuti  noverca  sua  ad  libidinem.  Incertum  est  autem  eamne  a  patre  suo  abduxerit  tanquam  scortum,  an  coniugii  praetextu  ipsam  tenuerit.  Verum  id  ad  rem  non  magnopere  pertinet  :  nam  ut  illa  fuisset  nefaria  et  exsecranda  scortatio:  ita  hoc  incestum  fuisset  coniugium  et  alienum  ab  honestate  decoroque  naturae.  Iam  ne  dubiis  suspicionibus  gravare  eos  videatur,  dicit  se  rem  notam  et  vul-  Calvini  opera.  Vol.  XLIX.