47:377  377  CAPUT  XVH.  378  duo  epitheta  veri  et  solius:  quia  necesse  est  primum,  ut  Deum  fides  ab  hominum  vanis  figmentis  discernat,  ac  firma  certitudine  eum  amplexa  nusquam  flectatur  aut  vacillet:  deinde  ut,  statuens  nihil  esse  in  Deo  mutilum  nec  imperfectum,  unico  ipso  contenta  sit.  Quod  nonnulli  ita  resolvunt,  Cognoscant  te,  qui  solus  es  Deus,  frigidum  est.  Sensus  ergo  est:  Solum  te  agnoscant  pro  vero  Deo.  Sed  videtur  hoc  modo  Christus  sibi  abdicare  divinitatis  ius  et  nomen.  Si  quis  respondeat,  Dei  nomen  Christo  similiter  ut  patri  aptandum  esse,  eadem  de  spiritu  sancto  quaestio  movebitur.  Nam  si  pater  tantum  et  filius  unus  sunt  Deus,  ab  hoc  gradu  depellitur  spiritus,  quod  peraeque  absurdum  est.  Solutio  facilis  est,  si  quis  ad  rationem  loquendi  attendat,  quam  passim  in  evangelio  Ioannis  tenet  Christus:  de  qua  iam  supra  toties  admonui  lectores,  ut  assuescere  debuerint.  Christus  in  hominis  forma  apparens  sub  patris  persona  Dei  potentiam,  essentiam  et  numen  designat.  Unus  ergo  verus  est  Deus,  Christi  pater:  hoc  est,  Deus  ille,  qui  pridem  mundo  redemptorem  promiserat,  unus  est:  sed  in  Christo  reperietur  deitatis  unitas  et  veritas,  quia  ideo  humiliatus  fuit  Christus,  ut  nos  in  altum  eveheret.  Ubi  eo  perventum  est,  tunc  divina  eius  maiestas  se  profert:  tunc  ipse  totus  in  patre,  et  totus  in  eo  pater  agnoscitur.  In  summa,  qui  Christum  a  patris  divinitate  separat,  eum  nondum  agnoscit  qui  solus  est  verus  Deus,  sed  potius  alienum  sibi  Deum  fabricat.  Ideo  iubemur  Deum  cognoscere  et  Christum  quem  misit,  per  quem  velut  porrecta  manu  nos  ad  se  invitat.  Quod  videtur  quibusdam  iniquum  esse,  si  ob  solam  Dei  ignorantiam  pereant  homines,  inde  fit,  quia  non  reputant  penes  solum  Deum  esse  vitae  fontem,  et  quicunque  ab  eo  alieni  sunt  vita  privari.  Iam  si  ad  Deum  non  acceditur  nisi  fide,  infidelitas  necessario  in  morte  nos  detinet.  Si  quis  obiiciat  iustis  alioqui  et  innocentibus  fieri  iniuriam,  si  damnantur,  responsio  in  promptu  est,  nihil  in  hominibus  esse  recti  vel  sinceri,  quamdiu  in  natura  sua  manent.  Renovamur  autem  teste  Paulo  in  imaginem  Dei  per  cognitionem  (Col.  3,  10).  Nunc  tria  capita  simul  colligere  operae  pretium  est:  quod  Christi  regnum,  vitam  et  salutem  afferat.  Secundo,  quod  non  omnes  inde  vitam  percipiant,  neque  etiam  Christi  officium  sit  vitam  omnibus  dare,  sed  tantum  electis,  quos  eius  tutelae  commisit  pater.  Tertio,  quod  haec  vita  in  fide  posita  sit,  et  ea  dignetur  Christus,  quos  in  fidem  evangelii  illuminat.  Unde  colligimus,  non  omnium  commune  esse  illuminationis  et  coelestis  sapientiae  donum,  sed  peculiare  electis.  Terum  quidem  est  offerri  evangelium  omnibus,  sed  hic  Christus  arcanum  et  efficacem  docendi  modum  commendat,  quo  soli  filii  Dei  trahuntur  ad  fidem.  4.  Ego  te  glorificavi.  Hoc  ideo  dicit,  quia  tum  in  eius  doctrina,  tum  in  miraculis  innotuerat  Deus