41:377  377  SUR  LE  VI.  CHAP.  DE  DANIEL.  378  maieste  de  Dieu,  auquel  il  faut  qu'ils  soient  subiects  avec  tout  le  reste,  et  puis  qu'ils  facent  que  les  peuples  sur  lesquels  ils  sont  constitues  princes  et  gouverneurs,  soient  maintenus  en  bonne  paix,  et  s'ils  en  font  autrement  ils  s'eslevent  contre  Dieu,  et  ne  tient  pas  a  eux  qu'il  ne  soit  aneanti  du  tout,  car  ils  separent  ce  qu'il  ha  voulu  estre  conioinct.  Sainct  Paul  nous  monstre  comme  les  princes  se  doivent  bien  gouverner,  quand  il  nous  exhorte  a  leur  obeir  et  les  honorer,  a  fin  (dit-il)  que  nous  vivions  en  toute  piete,  et  honnestete,  c'est  a  dire,  en  la  crainte  de  Dieu,  et  puis  que  nous  conversions  ensemble  en  bonne  paix.  Voila  deux  choses  que  Dieu  conioinct  par  la  bouche  de  sainct  Paul.  Or  quand  elles  sont  separees,  c'est  autant  qui  coupperoit  un  homme  en  deux,  les  pieces  n'en  vaudroient  plus  rien,  ainsi  en  sera-il  quand  on  voudra  separer  ces  deux  choses,  il  faut  donc  que  les  princes  veillent  a  cela,  a  scavoir,  de  faire  que  l'honneur  de  Dieu  et  son  service  soit  maintenu  sur  tout,  et  puis  de  mettre  tel  ordre  et  police  entre  les  hommes,  qu'il  n'y  ait  point  d'iniures,  ne  d'outrages  parmi,  et  souffert  qu'ils  ne  soient  punis  quant  et  quant,  a  fin  que  les  bons  soient  maintenus  en  leur  bon  droit,  et  les  mauvais  punis  de  leurs  malefices,  et  quand  on  fera  ainsi,  il  est  certain,  que  Dieu  conduira  tellement  les  Royaumes  et  principautes,  qu'il  y  aura  bonne  paix  et  concorde  par  tout,  pour  le  soulagement  et  des  princes,  et  des  subiects,  et  pour  les  faire  vivre  en  bonne  droiture  et  equite  tous  ensemble.  Suivant  cette  saincte  doctrine,  nous  nous  prosternerons  devant  la  face  de  nostre  bon  Dieu,  etc.  SERMON  VI  sur  le  Chap.  YI.  v.  5.10.  Nous  monstrasmes  hier,  comme  les  Princes  souventesfois  pour  maintenir  leur  autorite  oublient  Dieu,  et  par-ainsi  que  tout  ordre  sera  perverti,  car  quel  propos  y  ha  il,  que  les  hommes  soient  preferes  a  leur  Createur?  Mais  cela  aviendra  tous  les  iours,  car  les  hommes  sont  tant  pleins  d'ambition  que  c'est  pitie,  qu'il  leur  semble  qu'ils  ne  peuvent  avoir  trop  d'esgard  a  s'eslever,  et  sur  tout  ceux  qui  sont  en  dignite  et  en  honneur,  il  leur  semble  donc  que  tout  ce  qu'ils  attentent,  pour  maintenir  leur  puissance,  soit  louable  :  et  Dieu  sera  laisse  cependant.  Or  puis  que  nous  en  avons  ici  un  tel  exemple,  chacun  doit  regarder  a  soy,  et  non  seulement  les  personnes  publiques,  mais  les  plus  petis  doivent  penser  que  iamais  ils  ne  tiendront  bonne  reigle,  ny  en  toutes  leurs  affaires,  ni  en  tout  ce