32:377  377  PSALMUS  CXXXIX.  378  PSALMUS  CXXXIX.  ARG.  David,  ut  sibi  nebulas  omnes,  quibus  se  fallaciter  maior  pars  mundi  involvit,  discutiens  hypocrisin  purget  ex  corde  suo,  multis  verbis  disserit,  nibil  quamvis  occultum  Dei  oculos  latere  :  idque  confirmat  ex  creatione  hominis,  quia  si  Deus  in  utero  matrum  nobis  figuram  aptavit,  et  singulis  membris  attribuit  vim  suam  et  munus,  fieri  non  potest  quin  omnes  actiones  nostrae  versentur  sub  eius  oculis.  Postquam  vero  hac  meditatione  ad  sincerum  Dei  timorem  se  animavit,  a  profanis  et  sceleratis  Dei  contemptoribus  alienissimum  se  esse  testatur:  atque  huius  integritatis,  cuius  sibi  conscius  est,  fiducia  Deum  implorat,  ne  in  medio  vitae  cursu  ab  eo  deseratur.  Praefecto^  Davidis  Psalmus.  1.  Iehova  explorasti  rne,  et  cognoscis.  2.  Tu  cognovisti  sedere  meum  et  surgere  meum,  intelligis  cogitationem  meam  procul.  3.  Semitam  meam  et  accubitum  meum  obsides,  et  omnes  vias  meas  intelligis.  4.  Quia  nullus  sermo  in  lingua  mea:  ecce  Deus  cognoscis  totum.  5.  Betro  et  ante  coarctas  me,  et  posuisti  super  me  manum  tuam.  6.  Mirabilis  facta  est  scientia  tua  supra  me:*)  exaltata  est,  non  potero  ad  eam.  1.  (Iehova  explorasti  me.)  Praefatur  David  se  non  venire  in  Dei  conspectum  quia  putet  se  quidquam  proficere  simulando:  sicut  hypocritae,  quasi  velis  obtentis,  secure  delicias  sibi  faciunt:  sed  quia  persuasus  sit,  Deo  nihil  esse  absconditum,  sensus  omnes  suos  ultro  detegere  ut  se  examinandum  permittat.  Tuum  est,  inquit,  o  Deus  perspicere  quid  in  me  latet,  nec  quidquam  te  fugiet.  Addit  etiam  circumstantias,  quibus  significat  nullam  vitae  suae  partem  Deo  esse  obscuram.  Sive  quiesco,  inquit,  sive  ambulo,  sive  surgo:  tu  motus  omnes  meos  observas.  Porro  quum  ��>.)  amicum  vel  socium  significet,  quidam  interpretes  vertunt,  Intelligis  propinquitatem  meam  a  longe:  quod  multo  aptius  quadraret,  si  quod  occurreret  simile  exemplum.  Est  enim  concinna  allusio,  quod  procul  remotum  est,  sub  oculis  tamen  Dei  versari  quasi  propinquum.  Sed  quia  receptior  est  altera  lectio,  discedere  ab  ea  ausus  non  sum.  Sunt  qui  particulam  plITlD  transferant  pridem  :  in  qua  significatione  alibi  quoque  accipitur,  ac  si  dictum  esset,  Domine,  quidquid  animo  concipio,  ante  tibi  pridem  compertum  fuit.  Sed  illud  alterum  quod  sequutus  sum  magis  placet,  Deum  non  esse  coelo  inclusum,  ut  se  otio  oblectans  (sicut  Epicurei  fingunt)  res  humanas  negligat:  sed  quamvis  longe  ab  eo  peregrinemur,  eum  tamen  non  longe  abesse.  Quia  verbum  j"p)j  nunc  ventilare,  nunc  circumdare  significat,  commode  etiam  posset  in  tertio  versu  exponi,  Tu  ventilas  o  Deus  semitas  *)  Ta  science  est  par  trop  merveilleuse  sur  moi,  en  marge:  ou  par-dessus  moy  et  ma  capacite.