9:376  tuae  linguae  flatu  totum  sanctorum  chorum  evertere.  Sed  vide  ne  putida  tua  arrogantia  turris  sit  Babel.  XIII.  Unus  Deus  qui  est  spiritus  ἁγέννητος  καὶ  ἀυτόθεος  absque  ulla  sui  diminutione  ante  saecula  λόγον  spiritum  ineffabiliter  genuit:  non  autem  sophisticam  cogitationem,  proprietatem,  aut  inanem  relationem.  Modo  facessant  calumniae,  nihil  in  priore  membro  dicis,  nisi  ex  nostris  et  patrum  libris  sumptum.  Quo  intolerabilior  est  tua  improbitas,  dum  [pag.  30]  nostram  doctrinam  continuo  post  deformas  tuis  figmentis.  XIV.  Quicunque  illum  unum  Deum  sine  origine  ex  propria  substantia  nihil  imminuta  filium  genuisse  negant,  tanquam  manifeste  iudaizantes  ac  mahometizantes,  a  christianis  mysteriis  arcendi  sunt.  Videtur  sibi  valde  callidus,  qui  pulchri  coloris  obtentu,  falsa  invidia  nos  gravat.  Nos  vero  ingenue  idem  praedicamus,  modo  ne  perperam  restringens  ad  patrem  unius  Dei  nomen,  filium  a  deitate  arceas  et  excludas.  XV.  Dominus  noster  Iesus  Christus  est  verus,  proprius  et  naturalis  filius  unius  altissimi  ac  viventis  Dei,  nec  alium  habet  patrem  quam  solum  Deum,  a  quo  omnia.  Exposui  quo  sensu  scriptura,  dum  patrem  Christo  comparat,  eum  praedicet  unicum  Deum  :  nempe  quia  legatione  pro  ipso  Christus  fungitur,  l)  eiusque  virtute  et  mandato  mundum  gubernat.  Sed  haec  in  persona  et  statu  mediatoris  submissio  nihil  detrahit  ex  immensa  deitatis  eius  gloria.  Ita  dicitur  pater  filio  dedisse  ut  habeat  vitam  in  se  ipso,  in  quo  tamen  vita  erat  ab  ultima  aeternitate.  Denique  scripturae  tritum  est,  in  patre,  tanquam  in  speculo,  nobis  proponere  summam  deitatis  gloriam:  non  ut  quidquam  filio  [pag.  31]  auferat,  sed  quia  Christus  ipse  inferior  factus  est  patre,  ut  ad  patrem  nos  ducendo,  ad  se  ipsum  quoque  nos  duceret.  Unde  Augustinus  non  minus  scite  quam  vere  eum  nominat  viam  qua  itur,  et  scopum  vel  metam  quo  tenditur.  XVI.  Christus  non  ideo  Dei  filius  est,  quia  Deus-,  sed  contra,  ideo  est  Deus,  quia  Dei  filius.  Non  sufficeret  Christum  esse  Deum,  nisi  et  ge-  1)  Christ  est  lieutenant  en  son  nom.