7:376  Israel  ad  interrogandum  [pag.  19]  Dominum,  et  sederunt  coram  me.  Haec  autem  dicit  Dominus:  Numquid  ad  interrogandum  me  venistis?  Vivo  ego,  dicit  Dominus,  quia  non  respondebo  vobis.  Sequitur  autem:  Si  iudicas  eos,  abominationes  patrum  illorum  ostende  illis.  In  quibus  verbis  ostendit  Deus,  quare  noluerit  respondere  illis,  quia  nondum  scilicet  abominationes  suas,  et  patrum  suorum  audierant  Quare,  quwm  idem  Dei  spiritus  sit,  qui  tum  dabat  responsa,  et  quem  nunc  nos  sedentes  coram  Domino  invocamus:  quid  nobis  faciendum  sit,  ut  propitia  responsa  habeamus,  ex  his  videtis:  et  simul  quam  necessario  nos,  qui  praesidemus  in  hoc  sacro  consessu,  a  detegendis  nostris  peccatis  sermonis  exordium  vobiscum  duximus.  Quia  vero  nonnullos  nunc  videmus,  sua  primum  peccata  et  nostri  ordinis  graviter  deflentes,  atque  Dei  misericordiam  omnibus  votis  implorantes:  ideo  quidem  in  maxima  spe  sumus,  ad  nos  venisse,  quem  invocamus  [pag.  20]  Dei  spiritum;  hoc  vero  maximum  pignus  divinae  misericordiae  habemus:  nempe,  ipsam  hanc  inchoationem,  Concilii,  in  quo  nunc  convenimus  aa  erigendam  et  instaurandam  paene  collapsam  Ecclesiam,  ut  vetus  popidus,  post  diuturnam  captivitatem  apud  externos  reges,  rediit  Hierosolymam  ad  instaurandum  templum.  In  illius  vero  populi  statu,  in  illorum  laeta  ad  patriam  profectione,  et  templi  instauratione,  nostri  quidem  temporis,  et  nostri  status,  in  hoc  praesertim  Concilio  imaginem  intueri  possumus:  et  in  ducum  eiusdem  populi  exemplo,  vestrum,  qui  duces  estis  populo  Dei  ad  coelestem  patriam  contendenti,  officium  videre.  Quare  omnes  vos  magnopere  hortamur,  ut  saepius  ad  memoriam  revocetis,  quae  in  Esdrae,  quae  in  Nehemiae,  quae  etiam  in  Danielis  libris  suni  scripta:  in  quibus  consilia  omnium  ducum  populi  explicantur,  quae  hunc  unum  semper  scopum  habuerunt,  ut  sua,  et  populi,  atque  patrum  [pag.  21]  peccata  confitentes  ad  poenitentiam  et  implorationem  divinae  misericordiae  omnes  excitarent  Quod  quum  populus  faceret,  tum  quidem  omnia  illis  feliciter  successere.  Eadem  vero  consilia  nobis,  si  felicem  successum  et  exitum  exspectare  volumus  in  instauranda  Ecclesia,  ob  quam  causam  laeti  huc  in  spiritu  convenimus,  sequenda  erunt:  atque  eo  quidem  magis,  quo  etiam  maiora  nobis  certamina  impendent  instauraturis  Ecclesiam,  quam  illis  instauraturis  templum.  Si  enim  illis  multi,  quominus  id  perficeretur,  se  opposuere,  si  multi  etiam,  quum  opus  impedire  non  possent,  eos  irriserunt:  hoc  quidem  sic  habetote,  nobis  nec  irrisores  defuturos,  nec  qui  maximis  viribus  a  coepto  opere  nos  deterreant  et  avocent  Habebimus  vero  non  modo  colluctationem  cum  carne  et  sanguine,  sed  cum  spiritualibus  nequitiis  in  coelestibus.  Verum,  his  omnibus  potentior  est  is,  in  cuius  nomine  hoc  opus  sumus  aggressi.  Quare,  [pag.  22]  in  eo  confidamus,  ipsum  precibus  invocemus,  et  ipse  omnia  perficiet  Quia  vero  hoc  Concilium  quum  deliberantium,  tum  vero  iudicantium  speciem