47:376  enim  apparet  Christus,  nisi  ut  nos  ad  patrem  ducat?  unde  sequitur,  quidquid  honoris  defertur  Christo,  patris  honorem  adeo  non  minuere,  ut  magis  stabiliat.  Tenendum  semper  memoria  est,  quam  personam  hoc  loco  sustineat  Christus:  neque  enim  sola  eius  aeterna  divinitas  nobis  consideranda  est,  quia  loquitur  quatenus  Deus  erat  manifestatus  in  carnes  et  pro  mediatoris  officio.  2,  Quemadmodum  dedisti  illi.  Iterum  confirmat  nihil  se  nisi  patris  voluntati  consentaneum  petere:  sicuti  haec  perpetua  est  orandi  regula,  non  plus  petere  quam  quod  ultro  daturus  esset  Deus,  quia  nihil  magis  praeposterum  quam  proferre  coram  ipso  quidquid  nobis  libuit.  Potestas  omnis  carnis  imperium  significat  quod  Christo  datum  est,  quum  pater  illum  regem  et  caput  constituit:  sed  finis  notandus  est,  nempe  ut  vitam  aeternam  suis  omnibus  conferat.  Imperium  ergo  accepit  Christus  non  tam  sibi,  quam  salutis  nostrae  causa.  Sponte  ergo  nos  subiicere  Christo  convenit,  non  tantum  ut  pareamus  Deo,  sed  quoniam  ea  subiectione  nihil  magis  amabile,  quum  nobis  vitae  aeternae  sit  causa.  Caeterum  non  dicit  Christus  se  toti  mundo  praefectum  esse,  ut  vitam  omnibus  promiscue  conferat:  sed  gratiam  hanc  restringit  ad  eos,  qui  sibi  dati  sunt  Quomodo  autem  dati?  nam  et  reprobos  pater  illi  subiecit.  Respondeo,  solos  electos  ex  peculiari  esse  eius  grege,  cuius  custodiam  tanquam  pastor  suscepit.  Ergo  regnum  Christi  ad  omnes  quidem  homines  extenditur,  sed  nonnisi  solis  electis  est  salvificum,  qui  voluntario  obsequio  sequuntur  vocem  pastoris:  alios  enim  parere  sibi  violenter  cogit,  donec  tandem  sceptro  ferreo  penitus  eos  conterat.  3.  Haec  autem  est  aeterna  vita.  Nunc  modum  donandae  vitae  definit,  quum  scilicet  electos  illuminat  in  xeram  Dei  notitiam:  neque  enim  de  fruitione  vitae  quam  speramus  hic  tractat,  sed  tantum  quomodo  perveniunt  homines  ad  vitam.  Atque  ut  haec  sententia  probe  intelligatur,  primo  tenendum  est,  nos  omnes  in  morte  esse,  donec  illuceat  nobis  Deus,  qui  solus  vita  est.  Ubi  autem  illuxit,  quia  fide  eum  possidemus,  simul  ingredimur  in  vitae  possessionem:  hinc  fit  ut  eius  cognitio  vere  et  merito  dicatur  esse  salvifica.  Porro  singulis  fere  verbis  suum  inest  pondus:  neque  enim  quaelibet  hic  notatur  Dei  cognitio,  sed  quae  nos  in  imaginem  Dei  transformat  ex  fide  in  fidem.  Imo  eadem  est  cum  fide,  qua  insiti  in  Christi  corpus  divinae  adoptionis  consortes  et  coelorum  haeredes  efficimur.  Quia  autem  nonnisi  in  Christi  facie  cognoscitur  Deus,  qui  viva  est  atque  expressa  eius  imago,  ideo  dicitur,  ut  cognoscant  te  et  Christum  quem  misisti.  Nam  quod  priore  loco  statuitur  pater,  non  refertur  ad  ordinem  fidei,  quasi  mens  nostra  Deo  cognito  ad  Christum  postea  descendat:  sed  sensus  est,  Deum  mediatore  demum  interposito  cognosci.  Adduntur